Visit:
Srisailam
శ్రీశైలం : భ్రమరాంబ మల్లికార్జున స్వామి క్షేత్రమైన శ్రీశైలం ఆలయంలో మహాశివరాత్రి బ్రహ్మోత్సవాలు వైభవంగా ప్రారంభమయ్యాయి.
యాగశాల ప్రవేశంతో ఉత్సవాలు మొదలయ్యాయి.
ఈవో శ్రీనివాసరావు దంపతులు, సంబంధిత అధికారులు, అర్చకులు, వేదపండితులు సంప్రదాయబద్దంగా ఆలయ ప్రాంగణంలోనికి స్వామివార్ల యాగప్రవేశం చేశారు.
అనంతరం చతుర్వేదపారాయణలు, వేదస్వస్తి కార్యక్రమాలు నిర్వహించారు. ఆ తర్వాత లోక క్షేమాన్ని కాంక్షిస్తూ బ్రహ్మోత్సవ సంకల్పాన్ని పఠించారు.
అనంతరం గణపతిపూజ, పుణ్యాహవచనం, చండీశ్వర పూజలు చేశారు. కంకణధారణ, రుత్విగ్వరణం, అఖండదీపస్థాపన, వాస్తుహోమం, రుద్రకలశ స్థాపన, పంచావరణార్చన, జపానుష్ఠాలు జరిపించారు.
సాయంత్రం బ్రహ్మోత్సవాల సందర్భంగా ధ్వజారోహణ కార్యక్రమం నిర్వహించి.. సకల దేవతలకు ఆహ్వానం పలికారు.
ఆలయప్రాంగణంలో ప్రధాన ధ్వజస్తంభం పతాకావిష్కరించారు.
నూతన వస్త్రంపై పరమశివుడి వాహనమైన నందీశ్వరుడి చిత్రాన్ని తీర్చిదిద్ది.. ధ్వజస్తంభంపై ఆవిష్కరించారు.
Srisailam Temple
Srisailam Temple
Srisailam Temple
Srisailam Temple
Srisailam Temple