Jagan helicopter | వైఎస్‌ జగన్‌పై చంద్రబాబు సర్కార్‌ కుట్రలు? జ‌గ‌న్ హెలికాప్టర్ ఎమ‌ర్జెన్సీ ల్యాండింగ్‌

Jagan helicopter | ఏపీలో(AP) పుర‌పోరు కాక‌రేపుతున్న‌ది. కూట‌మి ప్ర‌భుత్వం అధికార దుర్వినియోగానికి పాల్ప‌డుతున్న‌ది. అధికారం అండ చూసుకొని టీడీపీ శ్రేణులు రెచ్చిపోతున్నారు.

Jagan helicopter | ఏపీలో(AP) పుర‌పోరు కాక‌రేపుతున్న‌ది. కూట‌మి ప్ర‌భుత్వం అధికార దుర్వినియోగానికి పాల్ప‌డుతున్న‌ది. అధికారం అండ చూసుకొని టీడీపీ శ్రేణులు రెచ్చిపోతున్నారు. ఓటు వేయ‌కుండా వైసీపీ శ్రేణులు, ప్ర‌జ‌ల‌పై రాళ్లు రువ్వుతూ అడ్డుకుంటున్నారు. పోలీసులు సైతం ప‌చ్చ‌పార్టీకి అనుకూలంగా వ్య‌హ‌రిస్తున్నార‌ని విమ‌ర్శ‌లు వెళ్లువెత్తుతున్నాయి. ఈ క్ర‌మంలో వైఎస్సార్‌సీపీ అధినేత, మాజీ సీఎం వైఎస్‌ జగన్‌మోహన్‌రెడ్డిపై(YS Jagan) కూటమి సర్కార్‌ కుట్రలకు తెరలేపింది. వైఎస్ఆర్ క‌డ‌ప జిల్లా పులివెందులలో హెలికాప్టర్‌ ల్యాండింగ్‌కు (,Helicopter emergency landing) ఆటంకాలు సృష్టించింది. నిన్న(శనివారం) హెలికాప్టర్‌ ల్యాండింగ్‌కు అనుమతి ఇచ్చిన పోలీసులు.. చివరి నిమిషంలో అధికారులు మాట మార్చారు.

మధ్యాహ్నం 2:30 తర్వాతే హెలికాఫ్టర్‌ ల్యాండింగ్‌కు అనుమతిస్తామంటూ కలెక్టర్‌ చెరుకూరి శ్రీధర్‌ కొత్త ఆదేశాలు జారీ చేశారు. అయితే, అప్పటికే బెంగళూరు నుంచి హెలికాఫ్టర్‌లో వైఎస్‌ జగన్‌ బయలేర్దారు. వెనక్కి వెళ్లాలని హెలికాఫ్టర్‌ ఆపరేటర్‌కు అధికారులు ఫోన్‌ చేశారు. ఇంధన కొరతతో పులివెందులలో హెలికాఫ్టర్‌ను పైలట్‌.. ఎమర్జెన్సీ ల్యాండ్‌ చేశారు. ఆఖరి నిమిషంలో అనుమతి ఇవ్వకపోవడంతో వైఎస్సార్‌సీపీ ఆగ్రహం వ్యక్తం చేసింది. ఎన్ని కుట్ర‌లు చేసినా వైసీపీ విజ‌యాన్ని అడ్డుకోలేర‌ని స్ప‌ష్టం చేశారు.