AP Minister Gottipati | జగన్‌ను దేశం నుంచి బహిష్కరించాలి : ఏపీ మంత్రి గొట్టిపాటి

AP Minister Gottipati | దేశ సంప్రదాయాలు పాటించకపోగా వాటిని కించపరుస్తూ బహిరంగ వ్యాఖ్యలు చేస్తున్న జగన్ ను వెంటనే దేశ బహిష్కరణ చేయాలని ఏపీ మంత్రి గొట్టిపాటి రవి అన్నారు.

అమరావతి : దేశ సంప్రదాయాలు పాటించకపోగా వాటిని కించపరుస్తూ బహిరంగ వ్యాఖ్యలు చేస్తున్న(YS Jagan) జగన్ ను వెంటనే దేశ బహిష్కరణ చేయాలని ఏపీ మంత్రి గొట్టిపాటి రవి(AP Minister Gottipati) అన్నారు. ఎలాంటి దేశంలో బతుకుతున్నామో అంటూ చేసిన వ్యాఖ్యలు తక్షణమే ఉపసంహరించుకోవాలని మంత్రి శనివారం ట్విట్టర్‌(Twitter) లో డిమాండ్ చేశారు.

దేశ సంప్రదాయాలు పాటించకపోగా వాటిని కించపరుస్తూ బహిరంగ వ్యాఖ్యలు చేస్తున్న జగన్ ను వెంటనే దేశ బహీష్కరణ చేయాలి.

ఎలాంటి దేశంలో బతుకుతున్నామో అంటూ చేసిన వ్యాఖ్యలు తక్షణమే ఉపసంహరించుకోవాలి.

ఏ మతానికైనా కొన్ని సిద్ధాంతాలుంటాయి. వాటిని గౌరవిస్తేనే మంచి దేశ పౌరుడవవుతావు.

మత… pic.twitter.com/YQyumIO5R4

— Gottipati Ravi Kumar (@ravi_gottipati) September 28, 2024

ఏ మతానికైనా కొన్ని సిద్ధాంతాలుంటాయని, వాటిని గౌరవిస్తేనే మంచి దేశ పౌరుడవవుతావని హితవు పలికారు. . భారతదేశ ప్రజాస్వామ్యం కల్పించిన అవకాశాలతో అత్యున్నత పదవులు పొంది, వాటిని అడ్డం పెట్టుకుని దేశ సంపదను కొల్లగొట్టావని ఆరోపించారు.

దేశంలో ఉంటూ దేశ సంప్రదాయాలను కించపరుస్తున్నారని విమర్శించారు. పవిత్రమైన తిరుమలలో అన్యమతస్థులు డిక్లరేషన్ ఇవ్వాలనే నిబంధన పాటించాల్సిందేనని తేల్చిచెప్పేసరికి, ఏకంగా దేశాన్ని, మత సామరస్యాలను కించపరుస్తున్నాడని ఆరోపించారు. భారతదేశమన్నా, దేశ సంప్రదాయాలన్నా ఏమాత్రం గౌరవం లేదనే తన నైజాన్ని జగన్ బయటపెట్టుకున్నాడని పేర్కొన్నారు.