Tollywood | టాలీవుడ్‌లో విషాదం.. దర్శకుడు ప్రదీప్ భార్య దీప్తి రెడ్డి కన్నుమూత

Tollywood | టాలీవుడ్‌లో విషాదకర ఘటన చోటుచేసుకుంది. దర్శకుడు ప్రదీప్ అద్వైతం భార్య దీప్తి రెడ్డి కన్నుమూశారు. కొన్ని రోజుల క్రితం ఆమెకు బ్రెయిన్ స్ట్రోక్ రావడంతో హైదరాబాద్‌లోని ఓ ప్రైవేట్ ఆసుపత్రిలో చికిత్స అందిస్తున్నారు. వైద్యుల పర్యవేక్షణలో చికిత్స కొనసాగుతున్నప్పటికీ.. పరిస్థితి విషమించడంతో శనివారం రాత్రి ఆమె తుదిశ్వాస విడిచినట్లు సమాచారం.

Tollywood | టాలీవుడ్‌లో విషాదకర ఘటన చోటుచేసుకుంది. దర్శకుడు ప్రదీప్ అద్వైతం భార్య దీప్తి రెడ్డి కన్నుమూశారు. కొన్ని రోజుల క్రితం ఆమెకు బ్రెయిన్ స్ట్రోక్ రావడంతో హైదరాబాద్‌లోని ఓ ప్రైవేట్ ఆసుపత్రిలో చికిత్స అందిస్తున్నారు. వైద్యుల పర్యవేక్షణలో చికిత్స కొనసాగుతున్నప్పటికీ.. పరిస్థితి విషమించడంతో శనివారం రాత్రి ఆమె తుదిశ్వాస విడిచినట్లు సమాచారం.దీప్తి రెడ్డి మరణవార్తతో కుటుంబ సభ్యులు తీవ్ర విషాదంలో మునిగిపోయారు. ముఖ్యంగా భర్త ప్రదీప్ అద్వైతం, వారి ఇద్దరు పిల్లలు తీవ్రంగా కలత చెందారు. ఊహించని విధంగా భార్యను కోల్పోవడంతో ప్రదీప్ కుటుంబంలో విషాద ఛాయలు అలుముకున్నాయి. ఈ విషయం తెలిసిన సినీ ప్రముఖులు, స్నేహితులు, సన్నిహితులు ప్రదీప్‌కు తమ సానుభూతిని తెలియజేస్తున్నారు.

ప్రదీప్ అద్వైతం దర్శకుడిగా టాలీవుడ్‌లో తనకంటూ ప్రత్యేక గుర్తింపు తెచ్చుకున్నారు. షార్ట్ ఫిల్మ్ ‘అద్వైతం’తో ఆయనకు మంచి గుర్తింపు వచ్చింది. ఆ తర్వాత సినిమాల వైపు అడుగులు వేసిన ఆయన ‘బిల్లా రంగా’, ‘మైనే ప్యార్ కియా’ వంటి చిత్రాలతో తన ప్రయాణాన్ని కొనసాగించారు. ఇటీవల రోషన్ హీరోగా తెరకెక్కిన ‘ఛాంపియన్’ సినిమాతో దర్శకుడిగా మరింతగా గుర్తింపు తెచ్చుకున్నారు. ఇక దీప్తి రెడ్డి విషయానికి వస్తే.. ఆమె వ్యాపార రంగంలో కొనసాగుతున్నట్లు సమాచారం. పలు వ్యాపారాలను నిర్వహిస్తూ తనకంటూ ప్రత్యేక గుర్తింపు సంపాదించుకున్నారు. సినీ రంగానికి నేరుగా సంబంధం లేకపోయినా, ప్రదీప్ అద్వైతం జీవిత భాగస్వామిగా, కుటుంబానికి అండగా ఉంటూ వచ్చారు.

అయితే కొద్ది రోజుల క్రితం ఆమెకు అకస్మాత్తుగా బ్రెయిన్ స్ట్రోక్ రావడంతో కుటుంబ సభ్యులు హైదరాబాద్‌లోని ఓ ప్రైవేట్ ఆసుపత్రికి తరలించారు. అక్కడ వైద్యులు చికిత్స అందిస్తూ ఆమె ఆరోగ్య పరిస్థితిని పర్యవేక్షించారు. కుటుంబ సభ్యులు ఆమె కోలుకుంటారని ఆశించినప్పటికీ.. చికిత్స పొందుతూనే శనివారం రాత్రి కన్నుమూయడంతో విషాదం నెలకొంది. దీప్తి రెడ్డి మరణవార్త సినీ వర్గాల్లోనూ విషాదాన్ని నింపింది. ప్రదీప్ అద్వైతం కుటుంబానికి పలువురు సినీ ప్రముఖులు, దర్శకులు, నటీనటులు, సన్నిహితులు సానుభూతి వ్యక్తం చేస్తున్నారు. ఈ కష్ట సమయంలో ప్రదీప్, ఆయన పిల్లలకు ధైర్యం చెప్పేందుకు స్నేహితులు, శ్రేయోభిలాషులు అండగా నిలుస్తున్నారు.