Tirumala | తిరుమలలో శ్రీవారి దర్శనానికి 8 గంటల సమయం

Tirumala | ఆపదమొక్కులవాడు..ఆపద్భాందవుడు శ్రీ వేంకటేశ్వరస్వామి కొలువుదీరిన తిరుమలలో భక్తుల రద్దీ కొనసాగుతుంది.

తిరుమల : ఆపదమొక్కులవాడు..ఆపద్భాందవుడు శ్రీ వేంకటేశ్వరస్వామి కొలువుదీరిన తిరుమల ( Tirumala ) లో భక్తుల రద్దీ కొనసాగుతుంది. వివిధ ప్రాంతాల నుంచి వచ్చిన భక్తులతో ఆదివారం 16 కంపార్టుమెంట్లలో నిండిపోయారు. టోకెన్లు లేని భక్తులకు 8 గంటల్లో సర్వదర్శనం ( Sarvadarsan ) అవుతుందని టీటీడీ అధికారులు వివరించారు.

నిన్న స్వామివారిని 79,737 మంది భక్తులు దర్శించుకోగా 24,326 మంది తలనీలాలు సమర్పించుకున్నారు. భక్తులు సమర్పించుకున్న కానుకల వల్ల హుండీకి రూ. 3.71 కోట్ల ఆదాయం వచ్చిందని తెలిపారు. 3.66 లక్షల లడ్డూలను విక్రయించగా 1.83 లక్షల మందికి అన్నప్రసాదం అందించామని వెల్లడించారు.