విశాఖలో రైల్వే ట్రాక్‌ వద్ద గుడిసెలు దగ్ధం..

విద్యుత్‌ షార్ట్ సర్క్యూట్‌తో రైల్వే ట్రాక్‌ను ఆనుకుని వేసుకున్న పూరిగుడిసెలు దగ్ధమయ్యాయి. ఈ ప్రమాదంలో గుడిసెలు పూర్తిగా కాలిపోగా.. వస్తువులు, డబ్బులు బూడిదయ్యాయి. ఈ సంఘటన విశాఖ జిల్లా గోపాలపట్నం చంద్రనగర్‌లో...

విశాఖ: విద్యుత్‌ షార్ట్ సర్క్యూట్‌తో రైల్వే ట్రాక్‌ను ఆనుకుని వేసుకున్న పూరిగుడిసెలు దగ్ధమయ్యాయి. ఈ ప్రమాదంలో గుడిసెలు పూర్తిగా కాలిపోగా.. వస్తువులు, డబ్బులు బూడిదయ్యాయి. అయితే ప్రమాదంలో ఎలాంటి ప్రాణ నష్టం చోటుచేసుకోలేదు. ఈ సంఘటన విశాఖ జిల్లాలో చోటుచేసుకుంది.

విశాఖ జిల్లా గోపాలపట్నం చంద్రనగర్‌లో రైల్వే ట్రాక్ ఆనుకుని ఉన్న దాదాపు 20 పూరిగుడిసెల్లోని ఒక గుడిసెలో షార్ట్ సర్క్యూట్ సంభవించింది. దాంతో ఒక్కసారిగా మంటలు చెలరేగాయి. ఈ మంటలు పక్కనే ఉన్న మరో రెండు గుడిసెలకూ వ్యాపించాయి. ఇది గమనించిన స్థానికులు మిగతా గుడిసెలకు మంటలు వ్యాపించకుండా ఆర్పే ప్రయత్నం చేశారు.

నిరుపేదలైన వీరు రైల్వే ట్రాక్‌ సమీపంలోనే గుడిసెలు వేసుకుని జీవిస్తున్నారు. ఇవాళ జరిగిన అగ్ని ప్రమాదంలో సర్వస్వం కోల్పోయామని.. ప్రభుత్వం ఆదుకోవాలని వారు కోరుతున్నారు. అగ్నిమాపక సిబ్బంది ఆలస్యంగా రావడం వల్లనే 3 గుడిసెలు పూర్తిగా దగ్ధమయ్యాయని బాధితులు వాపోయారు.