Cyclone Montha Alert | ఏపీకి మొంథా తుపాన్‌ ముప్పు.. విపత్తుల నిర్వహణ సంస్థ కీలక జాగ్రత్తలు

Cyclone Montha Alert | ఏపీకి మొంథా తుపాను ముప్పు పొంచి ఉంది. ఇది రేపటికి తీవ్ర వాయుగుండంగా, ఎల్లుండి ఉదయానికి తుపానుగా బలపడే అవకాశం ఉందని ఏపీ విపత్తుల నిర్వహణ సంస్థ ఎండీ ప్రఖర్‌ జైన్‌ తెలిపారు. మంగళవారం ఉదయానికి తీవ్ర తుపానుగా మారే అవకాశం ఉందని హెచ్చరించారు.

Cyclone Montha Alert | ఏపీకి మొంథా తుపాను ముప్పు పొంచి ఉంది. ఆగ్నేయ బంగాళాఖాతంలో కొనసాగుతున్న వాయుగుండం పశ్చిమ- వాయవ్య దిశగా కదులోంది. ఇది రేపటికి తీవ్ర వాయుగుండంగా, ఎల్లుండి ఉదయానికి తుపానుగా బలపడే అవకాశం ఉందని ఏపీ విపత్తుల నిర్వహణ సంస్థ ఎండీ ప్రఖర్‌ జైన్‌ తెలిపారు. మంగళవారం ఉదయానికి తీవ్ర తుపానుగా మారే అవకాశం ఉందని హెచ్చరించారు.

మచిలీపట్నం – కళింగపట్నం మధ్య కాకినాడ సమీపంలో తుపాన్‌ తీరాన్ని దాటే అవకాశం ఉందని ప్రఖర్‌ జైన్‌ అంచనా వేశారు. ఈ నేపథ్యంలో భారీ వర్షాలు కురిసే అవకాశం ఉందని తెలిపారు. తుపాన్‌ నేపథ్యంలో ఏపీ విపత్తుల నిర్వహణ సంస్థ కీలక జాగ్రత్తలు చేసింది.

☞ పుకార్లను నమ్మవద్దు. ప్రశాంతంగా ఉండండి, భయపడవద్దు.
☞ అత్యవసర కమ్యూనికేషన్‌ కోసం మీ మొబైల్‌ ఫోన్లను ఛార్జ్‌ చేసుకుంటూ ఉండండి. వాతావరణ హెచ్చరికల కోసం ఎస్‌ఎంఎస్‌లను గమనిస్తూ ఉండండి.
☞ మీ భద్రత, మనుగడ కోసం అవసరమైన వస్తువులతో అత్యవసర వస్తు సామగ్రిని సిద్ధం చేసుకోండి.
☞ ప్రభుత్వ అధికారులు సూచించిన వెంటనే సురక్షితమైన ప్రదేశాలు వెళ్లండి.
☞ మీ పత్రాలు/సర్టిఫికెట్లు, విలువైన వస్తువులను వాటర్‌ ప్రూఫ్‌ కంటైనర్లు లేదా కవర్లలో ఉంచుకోండి.
☞ ఎలక్ట్రికల్‌ మెయిన్‌ స్విచ్‌ ఆఫ్‌ చేయండి. అన్ని ఎలక్ట్రికల్‌ ఉపకరణాలు, గ్యాస్‌ కనెక్షన్లను తీసివేయండి. తలుపులు, కిటికీలు మూసి ఉంచండి.
☞ మీ ఇల్లు సురక్షితం కాకపోతే తుపాను ప్రారంభానికి ముందే సురక్షితమైన షెల్టర్‌ను చేరుకోండి.
☞ పాత భవనాలు, చెట్లు, విద్యుత్‌ వైర్లు స్తంభాల కింద ఉండకండి.
☞ పశువులు, పెంపుడు జంతువులకు కట్టిన తాడును విప్పి వాటిని వదిలివేయండి.
☞ మత్స్యకారులు సముద్రంలోకి వేటకు వెళ్లకండి.