AP Cabinet | ఏపీ కేబినెట్‌ కీలక నిర్ణయం.. స్థానిక సంస్థల ఎన్నికల్లో బీసీ రిజర్వేషన్లు ఖరారు

AP Cabinet | ఏపీలో స్థానిక సంస్థల ఎన్నికలకు సుప్రీంకోర్టు గ్రీన్‌సిగ్నల్‌ ఇవ్వడంతో రాష్ట్రంలో ఎన్నికల నిర్వహణకు ప్రభుత్వం వేగవంతంగా చర్యలు తీసుకుంటుంది.

అమరావతి : ఏపీలో స్థానిక సంస్థల ఎన్నికలకు సుప్రీంకోర్టు గ్రీన్‌సిగ్నల్‌ ఇవ్వడంతో రాష్ట్రంలో ఎన్నికల నిర్వహణకు ప్రభుత్వం వేగవంతంగా చర్యలు తీసుకుంటుంది. ముఖ్యమంత్రి చంద్రబాబు అధ్యక్షతన శనివారం జరిగిన ఏపీ కేబినెట్‌ (AP Cabinet ) సమావేశంలో ప్రభుత్వం స్థానిక సంస్థల ఎన్నికల్లో రాజీవ్‌ రంజన్‌ మిశ్రా కమిషన్‌ నివేదిక ఆధారంగా బీసీ రిజర్వేషన్లు ( BC Reservation ) ఖరారుకు ఆమోద ముద్ర వేసింది. మొత్తం 8 కేటగిరిల్లో రిజర్వేషన్లను ఖరారు చేసింది.

పంచాయతీ వార్డు మెంబర్స్‌లో బీసీలకు 26.73 శాతం, సర్పంచు స్థానాలకు బీసీలకు 27.95 శాతం, ఎంపీటీసీ స్థానాలకు బీసీలకు 25.55 శాతం రిజర్వేషన్లు కల్పిస్తూ మంత్రివర్గ సమావేశం తీర్మానించింది. ఎంపీపీలో బీసీలకు 24.60 శాతం, జడ్పీటీసీ 24.60 శాతం, జడ్పీ చైర్మన్‌ 23.08, అర్బన్‌ వార్డుల్లో 32.78 శాతం, మున్సిపల్‌ చైర్మన్లలలో 33.02 శాతం మేర బీసీలకు రిజర్వేషన్లు , మేయర్లలో 35.29 శాతం రిజర్వేషన్లను ఏపీ కేబినెట్‌ ఖరారు చేసింది.