Nigerian tourist | ఎన్టీఆర్‌ బీచ్‌లో నైజీరియా పర్యాటకుడు మృతి..మరో ఐదుగురు సురక్షితం

Nigerian tourist | ఏపీలోని కాకినాడ జిల్లాలో నైజీరియా పర్యాటకులకు పెను ప్రమాదం తప్పింది. అయితే వీరిలో ఒకరు బీచ్‌లో గల్లంతై మృతి చెందారు.

అమరావతి: ఏపీలోని కాకినాడ జిల్లాలో నైజీరియా పర్యాటకులకు (Nigerian tourist ) పెను ప్రమాదం తప్పింది. అయితే వీరిలో ఒకరు బీచ్‌లో గల్లంతై మృతి చెందారు. ఏపీలోని పలు పర్యాటక ప్రాంతాలను సందర్శించేందుకు వచ్చిన ఐదుగురు సభ్యులు గల నైజీరియా పర్యాటకులు ఎన్టీఆర్‌ బీచ్‌ ( NTR Beach) కు చేరకున్నారు. ఆరుగురు సముద్రంలో స్నానానికి దిగారు.

వీరిలో ఫనెలె ఎన్కుబే అనే వ్యక్తి కొట్టుకుపోవడంతో మిగతా పర్యాటకులు కేకలు వేశారు. అక్కడే ఉన్న పోలీసులు స్పీడ్‌ బోటుతో రంగంలోకి దిగి గాలింపు చర్యలు చేపట్టి గల్లంతైన వ్యక్తిని గుర్తించి ఒడ్డుకు తీసుకొచ్చారు. బాధితుడికి సీపీఆర్‌ చేసినా ఫలితం లేకపోవడంతో ఆయన మృతి చెందినట్లు పోలీసులు వెల్లడించారు.