Fish farming | పెరట్లో చేపల్ని ఇలా పెంచండి.. లాభాలు గడించండి..!

Fish farming | చేపల పెంపకం ద్వారా ఇంటి పరిసరాలు ఆహ్లాదకరంగా ఉండటంతోపాటు వాటిని చూస్తూ సేదతీరొచ్చు. చేపల పెంపకంలో కొన్ని యాజమాన్య పద్ధతులను చేపట్టడం ద్వారా మంచి దిగుబడులను పొందవచ్చు. ఆర్గానిక్ ఫార్మింగ్ చేసేందుకు రకరకాల...

Fish farming | మనం సాధారణంగా పూలమొక్కలు, కూరగాయలను.. కోళ్లు, కుందెళ్లను పెంచుకుంటుంటాం. మరికొందరు బాతులు, గొర్రెలు, మేకలను పెంచుతారు. వీటితో పాటు చేపలను కూడా పెంచుకోవచ్చు అని సెలవిస్తున్నారు పశు వైద్య నిపుణులు. షోకేజ్ కోసం అక్వేరియంలో పెంచుకోకుండా పెద్దసంఖ్యలో చేపలను పెంచి మంచి ఆదాయం కూడా పొందవచ్చు.

చేపల పెంపకం ద్వారా ఇంటి పరిసరాలు ఆహ్లాదకరంగా ఉండటంతోపాటు వాటిని చూస్తూ సేదతీరొచ్చు. చేపల పెంపకంలో కొన్ని యాజమాన్య పద్ధతులను చేపట్టడం ద్వారా మంచి దిగుబడులను పొందవచ్చు. ఆర్గానిక్ ఫార్మింగ్ చేసేందుకు రకరకాల టెక్నాలజీలు అందుబాటులో ఉన్నాయి.

• ఇంటి పెరట్లోగానీ, డాబాపై గానీ చేపలను పెంచుకోవడం ద్వారా ఆదాయం పొందే వీలున్నది. ఇంటి వెనకాట చిన్నపాటి చెరువును తవ్వుకుని చేపలను పెంచుకోవచ్చు. చేపలను పెంచుకునేందుకు కనీస లోతు 1-1.5 మీ, 10-15 సెం.మీ పొడవుతో చిన్న చెరువును తవ్వుకోవాలి. ఒక చేపకు కనీసం 50 లీటర్ల నీరు ఉండేలా చూసుకోవాలి.
• ఎక్కువ ధ్వని రాకుండా ఏర్పాట్లు చేయాలి. ప్రధాన రహదారుల నుంచి దూరంగా ఉండాలి.
• చెట్ల నీడ ఉండాలి. అయితే చెట్ల కింద గుంత ఉండకూడదు. చెట్ల ఆకులు కింద పడి నీరు కలుషితం కాకుండా చూడాలి.
• వర్షపునీరు ప్రవహించడం ద్వారా కలుషితమయ్యే ప్రమాదం ఉన్నందున లోతట్టు ప్రాంతాల్లో ఉండకుండా చూసుకోవాలి.
• చేపల పెంపకానికి నిర్మించే కొలను గోడలను వాటర్ ప్రూఫింగ్ చేయించాలి.
• ఇన్లెట్, అవుట్లెట్ ఓపెనింగ్స్ కోసం పైపులు అవసరం అవుతాయి.
• అంతా సిద్ధం చేశాక ఈ కొలనులో చేప విత్తనాలు వేసి పెంచాలి. ఏ రకం చేపలనైననా పెంచుకోవచ్చు.
• మార్కెట్లో దొరికే నాణ్యమైన చేపల మేతను నిత్యం అందించేలా చూడాలి. నిత్యం ఉదయం,
• సాయంత్రం వేళల్లో చేపలకు మేత వేయాలి. వారానికోసారి నీళ్లు మార్చుతుండాలి.
• చేపల పెంపకంలో సున్నం వాడకం వల్ల అనేక లాభాలున్నాయి. ఇది నీటి ఆమ్లత్వాన్ని సరిచేసి, చేపల సక్రమ పెరుగుదలకు దోహదపడుతుంది. సాధారణ పరిస్థితిలో ప్రతి నెల దాదాపు 10-15 కిలోల సున్నంను ఎకరాకు చెరువంతటా చల్లాలి.
• అనుబంధ ఆహారాన్ని నేరుగా చెరువు నీటిలో చల్లరాదు. తవుడు, నూనె తీసిన వేరుశనగ చెక్కను పొడిగా చేసి ఈ రెండింటి మిశ్రమాన్ని చిన్న చిన్న రంధ్రాలు చేసిన ఖాళీ సిమెంటు సంచుల ద్వారా అందేలా చూడాలి.
• నీటిలో నాచు / ఇతర మొక్కలు పెరగకుండా జాగ్రత్తపడాలి.
• నీటిలో ప్రాణవాయువు లోటు లేకుండా చూసుకోవాలి.