ఎండిపోతున్న వరి పంటను ట్యాంకర్లతో కాపాడుకుంటున్న రైతు : వీడియో

రాష్ట్రంలో తీవ్ర వర్షాభావంతో పంటలు ఎండిపోయి రైతులు ఇబ్బంది పడుతున్నారు. ప్రాజెక్టుల ద్వారా నీటిని ఎత్తిపోసే అవకాశం ఉన్నా కాంగ్రెస్‌ ప్రభుత్వం రైతులపై కక్షతో పట్టించుకోక పోవడంతో రైతులు ప్రత్యామ్నాయ మార్గాలను చూసుకుంటున్నారు.

మంచిర్యాల : రాష్ట్రంలో తీవ్ర వర్షాభావంతో పంటలు ఎండిపోయి రైతులు ఇబ్బంది పడుతున్నారు. ప్రాజెక్టుల ద్వారా నీటిని ఎత్తిపోసే అవకాశం ఉన్నా కాంగ్రెస్‌ ప్రభుత్వం రైతులపై కక్షతో పట్టించుకోక పోవడంతో రైతులు ప్రత్యామ్నాయ మార్గాలను చూసుకుంటున్నారు. కండ్లముందే ఎండిపోతున్న పంటచేలను కాపాడుకునేందుకు అష్టకష్టాలు పడుతున్నారు.

తాజాగా మంచిర్యాల జిల్లా జైపూర్ మండలం మిట్టపల్లి గ్రామంలో రాంటెంకి దేవయ్య అనే కౌలు రైతు నీళ్లు లేక ఎండిపోతున్న వరి పంటను కాపాడుకునేందుకు ట్యాంకర్లతో నీటిని సరఫరా చేస్తున్నారు. వచ్చి పోయే కరెంటుతో పొలంలో ఓ మడి తడిస్తే ఓ మడి తడవడం లేదని దీంతో ట్యాంకర్లతో పొలానికి నీళ్లు పెట్టాల్సి వస్తుందని రైతు ఆవేదన వ్యక్తం చేశారు. ప్రభుత్వం స్పందించి పంటలకు సరిపడా నీళ్లు, కరెంట్‌ సరఫరా చేయాలని కోరారు.