ఏమా.. ఏఐ క్లీనింగూ!

ఇంటి పనుల్లో సాంకేతికత సాయం పెరుగుతున్నది. ఇప్పటివరకూ ఉన్న వాషింగ్‌ మెషిన్లు, వాక్యూమ్‌ క్లీనర్లకు.. కొత్తగా ‘ఏఐ’ కూడా జత కలుస్తున్నది. ‘రోబో వాక్యూమ్‌ క్లీనర్‌' అవతారమెత్తి.. శ్రమ లేకుండా చెత్తనంతా ఎత్తి పారేస్తున్నది.

ఇంటి పనుల్లో సాంకేతికత సాయం పెరుగుతున్నది. ఇప్పటివరకూ ఉన్న వాషింగ్‌ మెషిన్లు, వాక్యూమ్‌ క్లీనర్లకు.. కొత్తగా ‘ఏఐ’ కూడా జత కలుస్తున్నది. ‘రోబో వాక్యూమ్‌ క్లీనర్‌’ అవతారమెత్తి.. శ్రమ లేకుండా చెత్తనంతా ఎత్తి పారేస్తున్నది. సాధారణ వాక్యూమ్‌ క్లీనర్లను మనుషులే ఆపరేట్‌ చేయాల్సి ఉంటుంది.

ఇంట్లో దుమ్మూధూళీ ఎక్కడ ఉంటే.. అక్కడికి వాక్యూమ్‌ క్లీనర్‌ను తీసుకువెళ్తే, అదే శుభ్రం చేసి పెడుతుంది. అయితే, ఇళ్లు తుడవడానికి మళ్లీ మనుషులే మాప్‌లు ఉపయోగించాల్సిందే! ఈ రోబో వాక్యూమ్‌ క్లీనర్లు అలా కాదు. ఏఐ టెక్నాలజీతో పనిచేస్తాయి. ఇంట్లో ఏ మూలన దుమ్ము, చెత్త ఉన్నా.. ఇట్టే కనిపెడతాయి. వెంటనే శుభ్రం చేసేసి.. తుడిచేస్తాయి కూడా!

ఎన్నో ప్రయోజనాలు..

• సాధారణ వాక్యూమ్‌ క్లీనర్ల వెంట ఎవరో ఒకరు ఉండాల్సిందే. వాటిని చేత్తో పట్టుకొని ఇల్లంతా తిరగాల్సిందే! కానీ, రోబో వాక్యూమ్‌ క్లీనర్లకు మనుషులతో పనిలేదు. ఒక్కసారి ఆన్‌చేస్తే చాలు.. వాటికవే ఇంటిని శుభ్రం చేసి పెట్టేస్తాయి.
• మనం ఆఫీస్‌లో కూర్చుని కూడా.. ఇంటిని తళతళా మెరిసేలా శుభ్రం చేసుకోవచ్చు. ఇంటిని నచ్చిన సమయంలో శుభ్రం చేయడానికి ‘షెడ్యూల్‌’ కూడా చేసుకోవచ్చు.
• ఈ రోబోలు కార్పెట్లు, టైల్స్‌, లామినేట్‌ ఫ్లోరింగ్‌ ఇలా అన్ని రకాల ఫ్లోరింగ్‌పైనా సమర్థంగా పనిచేస్తాయి.
• మ్యాపింగ్‌, వాయిస్‌ కమాండ్‌, అప్లికేషన్‌ కంట్రోల్‌ వంటి అధునాతన ఫీచర్లతోనూ కొన్ని మోడల్స్‌ వస్తున్నాయి. సోఫాలో కూర్చొని ఒక్క కమాండ్‌ ఇస్తే చాలు.. వెంటనే ఇంటిని శుభ్రంగా మార్చేస్తాయి.
• ప్రస్తుతం వివిధ సంస్థలకు చెందిన రోబో వాక్యూమ్‌ క్లీనర్లు.. ప్రముఖ ఈకామర్స్‌ సంస్థలతోపాటు ఆఫ్‌లైన్‌ స్టోర్లలోనూ అందుబాటులో ఉన్నాయి. ఫీచర్స్‌ను బట్టి వీటి ధరలు ఉన్నాయి.