చెత్త కంపు కొట్టొద్దంటే

చెత్తబుట్టను నిర్వహించడం కత్తిమీద సామే! ఇంట్లో ఉంచితే.. దుర్వాసన వ్యాపిస్తుంది. బయట పెడితే.. వీధి కుక్కలతో ఇబ్బంది. అయితే, కొన్ని చిట్కాలను పాటిస్తే.. ఈ సమస్య ఇట్టే దూరమవుతుంది.

చెత్తబుట్టను నిర్వహించడం కత్తిమీద సామే! ఇంట్లో ఉంచితే.. దుర్వాసన వ్యాపిస్తుంది. బయట పెడితే.. వీధి కుక్కలతో ఇబ్బంది. అయితే, కొన్ని చిట్కాలను పాటిస్తే.. ఈ సమస్య ఇట్టే దూరమవుతుంది.

• తడి చెత్త ఎక్కువగా ఉంటే.. చెత్తబుట్ట నుంచి దుర్వాసన వస్తుంది. కాబట్టి, మిగిలిపోయిన ఆహారం, కూరగాయల వ్యర్థాలు, పండ్ల తొక్కలు లాంటివి చెత్తబుట్టలో ఎక్కువసేపు ఉంచకూడదు. వాటిని వీలైనంత త్వరగా చెత్తబండి వాళ్లకు చేరవేయాలి.
• సిట్రస్‌ జాతికి చెందిన నిమ్మకాయ, నారింజ తొక్కలు సహజమైన సువాసనలను వెదజల్లుతాయి. కాబట్టి, చెత్తబుట్టలో నిమ్మకాయ, నారింజ తొక్కలను వేసినా.. దుర్వాసన మాయమవుతుంది.
• చెత్తబుట్ట అడుగున బేకింగ్‌ సోడా చల్లితే.. దుర్వాసన తగ్గిపోతుంది.
• చెత్తబుట్టను ఖాళీ చేసిన తర్వాత.. లోపలి భాగాన్ని క్రమం తప్పకుండా కడుగుతుండాలి. వారానికి ఒకసారైనా సబ్బు నీరు, డిస్‌ఇన్‌ఫెక్టెంట్‌తో శుభ్రం చేయాలి. తడి లేకుండా ఎండలో బాగా ఆరబెడితే.. వాసన దూరం అవుతుంది.