ప్రొటీన్‌కు ప్లేస్‌ ఇవ్వండి..

నేడు ఇంటర్నెట్‌లో చక్కర్లు కొడుతున్న, ఎక్కువ సెర్చ్‌ చేస్తున్న పదాల్లో ప్రొటీన్‌ అగ్రభాగాన ఉంటున్నది. మజిల్‌ బిల్డింగ్‌, శక్తి సంగ్రహణ కంటే కూడా ఈ పదమే ఎక్కువ పాపులర్‌ అంటే నమ్ముతారా? శరీరాన్ని బాగు చేయడమే కాదు మెటబాలిక్‌ ప్రక్రియకు, రోగనిరోధక శక్తిలో కీలక పాత్ర పోషిస్తుంది ప్రొటీన్‌.

నేడు ఇంటర్నెట్‌లో చక్కర్లు కొడుతున్న, ఎక్కువ సెర్చ్‌ చేస్తున్న పదాల్లో ప్రొటీన్‌ అగ్రభాగాన ఉంటున్నది. మజిల్‌ బిల్డింగ్‌, శక్తి సంగ్రహణ కంటే కూడా ఈ పదమే ఎక్కువ పాపులర్‌ అంటే నమ్ముతారా? శరీరాన్ని బాగు చేయడమే కాదు మెటబాలిక్‌ ప్రక్రియకు, రోగనిరోధక శక్తిలో కీలక పాత్ర పోషిస్తుంది ప్రొటీన్‌. ఇన్ని లాభాలున్నాయనే ప్రొటీన్‌ను ఎక్కువ మంది ఖరీదు పెట్టి కొనుగోలు చేస్తున్నారు. ఇది సంపన్నులకు మాత్రమేనా? సామాన్యులకు కూడా ఈ లాభాలు చేకూరే అవకాశం లేకపోలేదు.

పప్పులు, వేయించిన శనగలు, మొలకెత్తిన విత్తనాల్లో పుష్కలంగా ప్రొటీన్‌ దొరుకుతుంది. పాలు తీసుకుంటే క్యాల్షియంతోపాటు ప్రొటీన్‌ వస్తుంది. పెరుగుతో మంచి బ్యాక్టీరియా అందుతుంది. అలానే కేవలం గోధుమ పిండికి బదులుగా రాగి, శనగ, సోయాబీన్స్‌ కలిపిన మల్టీగ్రెయిన్‌ గోధుమపిండిని ఉపయోగించండి. పల్లీలు, బాదం, నువ్వులు, ఫ్లాక్‌సీడ్స్‌, గుమ్మడి గింజలను సలాడ్స్‌లో, ఓట్స్‌లో చేర్చి తీసుకోండి. ఇక మాంసాహారులు గుడ్లు, చికెన్‌, చేపలు, సోయా ఉత్పత్తులు రోజూవారీ ఆహారంలో చేర్చుకోవడంతో అందుబాటు ధరలో ఉండే అధిక ప్రొటీన్‌ను పొందవచ్చు. ప్లేట్‌లో ప్రొటీన్‌ రిచ్‌ ఫుడ్‌ని చేర్చుకోవడం వల్ల కావాల్సిన శక్తి లభిస్తుంది. దాంతోపాటు ఎక్కువసేపు ఆకలి వేయకుండా ఉంటుంది. దీనివల్ల చిరుతిళ్ల గొడవ ఉండదు. మరెందుకు ఆలస్యం మీ డైట్‌లో తగినంత ప్రొటీన్‌ ఉండేలా ప్రణాళికలు అమలు చేయండి.