వన్‌ప్లస్‌.. వన్స్‌మోర్‌!

ప్రముఖ స్మార్ట్‌ఫోన్‌ ఉత్పత్తుల సంస్థ వన్‌ప్లస్‌.. తన ఫ్లాగ్‌షిప్‌ లైనప్‌లో మరో కొత్త స్మార్ట్‌ఫోన్‌ను లాంచ్‌ చేయడానికి సిద్ధమవుతున్నది. వన్‌ప్లస్‌ 15, వన్‌ప్లస్‌ 15ఆర్‌ పేరుతో రెండు ఉత్పత్తులను మార్కెట్‌లోకి తీసుకురానున్నది. యువతరానికి నచ్చేలా.. అదిరిపోయే ఫీచర్లతో వీటికి రూపకల్పన చేసింది.

ప్రముఖ స్మార్ట్‌ఫోన్‌ ఉత్పత్తుల సంస్థ వన్‌ప్లస్‌.. తన ఫ్లాగ్‌షిప్‌ లైనప్‌లో మరో కొత్త స్మార్ట్‌ఫోన్‌ను లాంచ్‌ చేయడానికి సిద్ధమవుతున్నది. వన్‌ప్లస్‌ 15, వన్‌ప్లస్‌ 15ఆర్‌ పేరుతో రెండు ఉత్పత్తులను మార్కెట్‌లోకి తీసుకురానున్నది. యువతరానికి నచ్చేలా.. అదిరిపోయే ఫీచర్లతో వీటికి రూపకల్పన చేసింది. ఈ ఫోన్‌ల ప్రత్యేకతల విషయానికి వస్తే.. వీటిలో క్వాల్‌కమ్‌ స్నాప్‌డ్రాగన్‌-8 ఎలైట్‌ జెన్‌-5 ప్రాసెసర్‌ను వాడారు. 6.7 అంగుళాల 1.5కె రిజల్యూషన్‌ డిస్‌ప్లేతో ఇవి వస్తున్నాయి. 165హెట్జ్‌ రిఫ్రెష్‌ రేట్‌తో స్మూత్‌గా పనిచేస్తాయి. 12జీబీ/ 16జీబీ ర్యామ్‌ ఉండటం వల్ల.. మల్టిపుల్‌ అప్లికేషన్స్‌ను ఎలాంటి ల్యాగ్‌ లేకుండా వాడుకోవచ్చు.

సెక్యూరిటీ కోసం అల్ట్రాసోనిక్‌ ఇన్‌-డిస్‌ప్లే ఫింగర్‌ప్రింట్‌ స్కానర్‌ కూడా ఉండబోతున్నది. రెండు మోడల్స్‌లోనూ 7500 ఎంఏహెచ్‌ భారీ బ్యాటరీతోపాటు 100 వాట్స్‌ ఫాస్ట్‌ చార్జింగ్‌ సపోర్టునూ అందిస్తున్నారు. ఫొటోగ్రఫీని ఇష్టపడేవారి కోసం ట్రిపుల్‌ 50 ఎంపీ కెమెరా సిస్టమ్‌ను ఏర్పాటుచేశారు. ప్రైమరీ షూటర్‌, అల్ట్రా-వైడ్‌ లెన్స్‌, 3ఎక్స్‌ ఆప్టికల్‌ జూమ్‌తో టెలిఫొటో సెన్సర్లు ఉన్నాయి. ఐపీ 68 వాటర్‌, డస్ట్‌ రెసిస్టెన్స్‌తో ఎలాంటి ఇబ్బంది లేకుండా వాడుకోవచ్చు. ఈ రెండు మోడల్స్‌ కూడా వచ్చే నెలలో మార్కెట్‌లోకి విడుదల కానున్నట్లు సంస్థ ప్రకటించింది. ధర విషయానికి వస్తే.. వన్‌ప్లస్‌ 15ఆర్‌ మోడల్‌ రూ.44,999 వరకు, వన్‌ప్లస్‌ 15 స్టోరేజ్‌ వేరియంట్‌ను బట్టి రూ.65వేల నుంచి రూ.75వేల వరకూ ఉండే అవకాశం ఉన్నది.