అమ్మకు ప్రేమతో..

రమ్య.. హ్యాండ్‌లూమ్‌ ఆంత్రప్రెన్యూర్‌, ఫ్యాబ్రిక్‌ డిజైనర్‌. ‘నారాయణి వీవ్స్‌' పేరుతో ఆమె స్థాపించిన చేనేత వస్ర్తాలయాలు బెంగళూరు, హోస్పేట్‌లలో విజయవంతంగా నడుస్తున్నాయి.

రమ్య.. హ్యాండ్‌లూమ్‌ ఆంత్రప్రెన్యూర్‌, ఫ్యాబ్రిక్‌ డిజైనర్‌. ‘నారాయణి వీవ్స్‌’ పేరుతో ఆమె స్థాపించిన చేనేత వస్ర్తాలయాలు బెంగళూరు, హోస్పేట్‌లలో విజయవంతంగా నడుస్తున్నాయి. చీరలకు జమ్‌దానీ ఖాదీ ఆర్ట్‌వర్క్‌ జోడించి.. కొత్త ప్రయోగానికి శ్రీకారం చుట్టారు. తాజాగా ఆమె హైదరాబాద్‌లోని సప్త పర్ణిలో జరిగిన ఓ ప్రదర్శనలో ‘సాక్రెడ్‌ లోటస్‌’ పేరుతో చీరల కలెక్షన్‌ తీసు కొచ్చారు. దాన్ని తన తల్లి పద్మకు అంకితమిచ్చారు.

‘మా అమ్మ మనసులానే ఆ వస్త్రాలు సుతిమెత్తగా ఉంటాయి. మా అమ్మ ఒడిలానే వెచ్చదనాన్నీ ప్రసాదిస్తాయి. ఆ చీరల్ని కట్టుకుంటే.. తల్లి ఒడిలో సేదదీరుతున్న భావన కలుగుతుంది. అమ్మా.. ఈ చీరల్ని నీ పాద పద్మాలకు అంకితం చేస్తున్నా!’ అంటూ తన తల్లికి నివాళి అర్పించారు రమ్య.