మేఘాంశ్ శ్రీహరి, సమీర్ వేగేశ్న, రిద్దికుమార్, మేఘచౌదరి నాయకానాయికలుగా నటిస్తున్న చిత్రం ‘కోతి కొమ్మచ్చి’. వేగేశ్న సతీష్ దర్శకుడు. ఎం.ఎల్.వి.సత్యనారాయణ నిర్మాత. ఈ సినిమాలోని 2డీ యానిమేషన్ థీమ్సాంగ్ను ప్రముఖ నిర్మాత దిల్రాజు విడుదల చేశారు. దర్శకుడు మాట్లాడుతూ ‘కథలో మంచి సందర్భంలో వచ్చే పాట ఇది. అనూప్ సంగీతం, శ్రీమణి సాహిత్యం చక్కగా కుదిరాయి. పిల్లలను బాగా ఆకట్టుకునే విధంగా తీర్చిదిద్దాం’ అన్నారు. ‘సినిమాకు ఈ పాట ప్రధానాకర్షణగా నిలుస్తుంది. కరోనా పరిస్థితులు చక్కబడిన తర్వాత విడుదల తేదీని ప్రకటిస్తాం’ అని నిర్మాత తెలిపారు. ఈ చిత్రానికి ఛాయాగ్రాహణం: సమీర్రెడ్డి.