మాటిమాటికీ మంచిదికాదు!

పని ఒత్తిడి, కుటుంబ సమస్యలు.. ఏవైతేనేం చాలామంది రెగ్యులర్‌గా తలనొప్పితో బాధపడుతుంటారు. దీర్ఘకాలంలో ఇది ‘మైగ్రేన్‌'గా రూపుదాలుస్తున్నది. నొప్పి నుంచి ఉపశమనం కోసం రోజుకో ట్యాబ్లెట్‌ మింగాల్సి వస్తున్నది. అయితే, ఇలా తలనొప్పి వచ్చిన ప్రతిసారీ మాత్రలు వేసుకోవడం ఆరోగ్యానికి ఏమాత్రం మంచిదికాదని వైద్య నిపుణులు చెబుతున్నారు.

పని ఒత్తిడి, కుటుంబ సమస్యలు.. ఏవైతేనేం చాలామంది రెగ్యులర్‌గా తలనొప్పితో బాధపడుతుంటారు. దీర్ఘకాలంలో ఇది ‘మైగ్రేన్‌’గా రూపుదాలుస్తున్నది. నొప్పి నుంచి ఉపశమనం కోసం రోజుకో ట్యాబ్లెట్‌ మింగాల్సి వస్తున్నది. అయితే, ఇలా తలనొప్పి వచ్చిన ప్రతిసారీ మాత్రలు వేసుకోవడం ఆరోగ్యానికి ఏమాత్రం మంచిదికాదని వైద్య నిపుణులు చెబుతున్నారు. చిన్నిచిన్న ఇంటి చిట్కాలు పాటించడం ద్వారా.. తలనొప్పి నుంచి ఉపశమనం పొందొచ్చని చెబుతున్నారు.

• ఒక గ్లాసు నిమ్మరసంలో అర అంగుళం అల్లం ముక్కను దంచి వేసుకొని తాగితే.. తలనొప్పి నుంచి ఉపశమనం లభిస్తుంది.
• తలనొప్పి వేధిస్తుంటే.. నువ్వులు, కర్పూరం నూనెను నెత్తికి పట్టించి.. మర్దనా చేసుకోవాలి. నొప్పి క్రమంగా తగ్గుముఖం పడుతుంది.
• లావెండర్‌ నూనెతో తలకు మసాజ్‌ చేసుకోవడం వల్ల తలనొప్పిని తగ్గించుకోవచ్చు. ఈ నూనె వాసన చూసినా.. మంచి ఫలితం ఉంటుంది.
• మైగ్రేన్‌ రావడానికి డీహైడ్రేషన్‌ కూడా ఒక కారణమే! తలనొప్పి ఎక్కువగా ఉన్నప్పుడు నీరు తాగడం వల్ల ఉపశమనం లభిస్తుంది.
• ఉదయాన్నే ఖాళీ కడుపుతో.. రెండు టీస్పూన్ల దాల్చిన చెక్క నీరు తాగితే.. మంచి ఫలితం కనిపిస్తుంది.
• అల్లం టీ తాగినా.. అల్లం ముక్క నమిలినా.. మైగ్రేన్‌ బాధ తగ్గుతుంది.
• ఒకవేళ మీ తలనొప్పికి కారణం మెగ్నీషియం లోపమేమో పరీక్ష చేయించుకోండి. అదే కారణమైతే.. మెగ్నీషియం అధికంగా లభించే పదార్థాలను
  ఆహారంలో భాగం చేసుకోండి.