టార్గెట్‌ చేస్తున్నారా?

ప్రేమికులు.. దంపతుల్లో చిన్నచిన్న గొడవలు సహజమే! భేదాభిప్రాయాలు రావడం కామనే! అయితే.. అవి జంటల మధ్య గిల్లికజ్జాల్లా ఉంటే ఫర్వాలేదు. కానీ, భాగస్వామిని టార్గెట్‌ చేసినట్టుగా వేధిస్తే మాత్రం.. ఇబ్బందులు తప్పవు.

ప్రేమికులు.. దంపతుల్లో చిన్నచిన్న గొడవలు సహజమే! భేదాభిప్రాయాలు రావడం కామనే! అయితే.. అవి జంటల మధ్య గిల్లికజ్జాల్లా ఉంటే ఫర్వాలేదు. కానీ, భాగస్వామిని టార్గెట్‌ చేసినట్టుగా వేధిస్తే మాత్రం.. ఇబ్బందులు తప్పవు. అలాంటివారి ప్రవర్తన, లక్షణాలు కూడా అసహజంగా ఉంటాయని మానసిక నిపుణులు చెబుతున్నారు. ఆ అవలక్షణాలను గుర్తిస్తే.. తగిన జాగ్రత్తలు తీసుకోవచ్చని అంటున్నారు.

• బంధం బాగుండాలని భావించేవారు.. ప్రతి విషయంలోనూ సర్దుకుపోతారు. భాగస్వామిని పూర్తిగా అర్థం చేసుకుంటారు. కానీ, ఎదుటివారిని వేధించాలని చూసేవారు.. అస్సలు రాజీపడరు. తమ మాటే చెల్లాలని భీష్మించుకుంటారు.
• బంధంలో అడుగుపెట్టిన కొత్తలో.. భాగస్వామిపై చెప్పలేనంత ప్రేమను కురిపిస్తారు. రోజులు గడిచేకొద్దీ.. తమ అసలు స్వరూపం బయటపెడతారు. ముందుగా ఉన్నంత ప్రేమగా ఉండరు. ఫోన్‌ కాల్స్‌, మెసేజులకు స్పందించకుండా.. ఎదుటివారిని నిర్లక్ష్యం చేస్తుంటారు.
• భాగస్వామికి తెలియకుండానే వారిని తప్పుదోవ పట్టిస్తుంటారు. నమ్మకం కోల్పోయేలా చేస్తారు. మెల్లిగా భాగస్వామిని బలహీనులుగా మార్చేస్తారు. చివరికి.. అన్నిరకాలుగా తమ అధీనంలోకి తెచ్చుకుంటారు.
• ఎప్పుడూ అసూయతో రగిలిపోతుంటారు. ప్రతి పనిలోనూ తప్పులు వెతుకుతుంటారు. చిన్న తప్పు దొర్లినా.. ఏదో జరిగిపోయినట్టు చిందులేస్తారు.
• వీరికి ‘అనుమానం’ ఎక్కువ. ప్రతి విషయంలోనూ ఎదుటివారిని అనుమానిస్తుంటారు. ఫోన్‌ సంభాషణలు, మెసేజులు చెక్‌ చేస్తుంటారు.