చర్మ రంధ్రాలకు చెక్‌!

కొందరిలో చర్మ రంధ్రాలు పెద్దవిగా మారుతుంటాయి. దాంతో, ముఖం అందవిహీనంగా కనిపిస్తుంది. ముఖంపై చిన్నచిన్న గుంతల్లాగా ఏర్పడి, వయసు పైబడినట్లుగా ఉంటారు. మేకప్‌లో వాడే రసాయనాలు, సూర్యరశ్మి ప్రభావం ఈ సమస్యకు ప్రధాన కారణమని నిపుణులు చెబుతున్నారు.

కొందరిలో చర్మ రంధ్రాలు పెద్దవిగా మారుతుంటాయి. దాంతో, ముఖం అందవిహీనంగా కనిపిస్తుంది. ముఖంపై చిన్నచిన్న గుంతల్లాగా ఏర్పడి, వయసు పైబడినట్లుగా ఉంటారు. మేకప్‌లో వాడే రసాయనాలు, సూర్యరశ్మి ప్రభావం ఈ సమస్యకు ప్రధాన కారణమని నిపుణులు చెబుతున్నారు. అయితే, ఇంటి చిట్కాలతోనే వీటిని కనిపించకుండా చేసుకోవచ్చని అంటున్నారు.

• చర్మం వదులుగా ఉంటే, ముడతలు, గుంతలు ఎక్కువగా కనిపిస్తాయి. అదే చర్మాన్ని బిగుతుగా మార్చుకుంటే.. చర్మ రంధ్రాలు కనిపించకుండా ఉంటాయి. ఇందుకోసం ఐస్‌ ముక్కతో ముఖంపై మృదువుగా మర్దన చేసుకుంటే సరిపోతుంది. దీనివల్ల చర్మంలో రక్తప్రసరణ సాఫీగా సాగుతుంది. చర్మ ఆరోగ్యం మెరుగుపడి.. బిగుతుగా మారుతుంది.
• రెండు టీ స్పూన్ల చక్కెరలో ఒక టేబుల్‌ స్పూన్‌ ఆలివ్‌ ఆయిల్‌ వేసి బాగా కలపాలి. ఈ మిశ్రమాన్ని ముఖానికి అప్లయి చేసి, నెమ్మదిగా మర్దన చేయాలి. పావు గంటపాటు అలాగే ఉంచి.. బాగా ఆరిన తర్వాత గోరువెచ్చటి నీళ్లతో కడిగేసుకోవాలి. వారానికి రెండుసార్లు ఈ ఫేస్‌ప్యాక్‌ వేసుకుంటే.. ముఖంపై ఏర్పడే రంధ్రాలు కనిపించకుండా ఉంటాయి.
• ఒక గ్లాసు నీటిలో గుప్పెడు వేపాకుల్ని వేసి రాత్రంతా నానబెట్టాలి. ఉదయాన్నే వేపాకుల్ని తీసేసి.. ఆ నీటిలో కొద్దిగా ముల్తానీ మట్టి వేసి మెత్తని పేస్ట్‌లాగా తయారు చేసుకోవాలి. దీనిని ముఖానికి ప్యాక్‌లాగా వేసుకొని.. పావు గంట తర్వాత కడిగేసుకోవాలి. ఇలా రెగ్యులర్‌గా చేస్తే.. చర్మ రంధ్రాలు తగ్గుముఖం పడుతాయి. మొటిమలు, మచ్చలు కూడా మాయమవుతాయి.