ILT20 | ఐపీఎల్ త‌ర‌హా ఫ్రాంచైజీ క్రికెట్‌లో క్లాసెన్, మిల్ల‌ర్.. ఏ జ‌ట్ల‌కు ఆడుతున్నారంటే..!

ILT20 : ఐపీఎల్‌లో ఇర‌గ‌దీస్తున్న హెన్రిచ్ క్లాసెన్, డేవిడ్ మిల్ల‌ర్‌లు మ‌రో ఫ్రాంచైజీ క్రికెట్‌లో అడుగుపెట్టారు. అదేంటీ ఐపీఎల్ వ‌దిలేశారా? అని ఆశ్చ‌ర్య‌పోవ‌ద్దు.

ILT20 : ఐపీఎల్‌లో ఇర‌గ‌దీస్తున్న హెన్రిచ్ క్లాసెన్, డేవిడ్ మిల్ల‌ర్‌లు మ‌రో ఫ్రాంచైజీ క్రికెట్‌లో అడుగుపెట్టారు. అదేంటీ ఐపీఎల్ వ‌దిలేశారా? అని ఆశ్చ‌ర్య‌పోవ‌ద్దు. యూఈఏ వేదిక‌గా జ‌రిగే ఇంట‌ర్నేష‌న‌ల్ టీ20 లీగ్‌లో ఆడ‌నున్నారు ఇద్ద‌రు. ప‌వ‌ర్ హిట్టింగ్‌తో బౌల‌ర్ల‌ను భ‌య‌పెట్టే క్లాసెన్, మిల్ల‌ర్ తొలిసారి ఈ లీగ్‌లో ఆడ‌నున్నారు. దాంతో, వీరికి భారీ మొత్తం చెల్లించి సొంతం చేసుకుంది గ‌ల్ఫ్ జెయింట్ ఫ్రాంచైజీ.

ఐఎల్‌టీ20 ఐదో సీజ‌న్ న‌వంబ‌ర్ నుంచి జ‌రుగ‌నుంది. నవంబ‌ర్ 22వ తేదీన మొద‌లై డిసెంబ‌ర్ 20 వ‌ర‌కూ ఈ మెగా ఈవెంట్ జ‌ర‌గునుంది. దాంతో, ఈ లీగ్ వేలం అక్టోబ‌ర్ 1న నిర్వ‌హించేందుకు స‌న్నాహ‌కాలు చేస్తున్నారు. సో.. ద‌క్షిణాఫ్రికా జ‌ట్టులోని హెన్రిచ్ క్లాసెన్, డేవిడ్ మిల్ల‌ర్ స‌హా ప్ర‌ధాన ఆట‌గాళ్లు వేలంలో పేర్లు న‌మోదు చేసుకున్నారు. ఇప్ప‌టికే ఈ లీగ్‌లోని ఆరు ఫ్రాంచైజీలు కొంద‌రు ఆట‌గాళ్ల‌తో ఒప్పందం చేసుకున్నాయి.

David Miller, Heinrich Klaasen and Finn Allen are the new names who will feature in the next ILT20 season pic.twitter.com/7tkFMpX4mH

— Cricinfo (@cricinfo) August 11, 2026

అబుధాబీ నైట్ రైడ‌ర్స్ – ఫిన్ అలెన్, జేస‌న్ హోల్డ‌ర్, మాథ్యూ ట్రాంప్, సునీల్ న‌రైన్

డెజ‌ర్ట్ వైప‌ర్స్ – ఆండ్రియ‌స్ గౌస్, డాన్ లారెన్స్, ముజీబ్ ఉర్ రెహ్మాన్, షిమ్ర‌న్ హిట్‌మైర్

దుబాయ్ క్యాపిట‌ల్స్ – మార్క‌స్ స్టోయినిస్, ముస్తాఫిజుర్ రెహ‌మాన్, నూర్ అహ్మ‌ద్, రొవ్‌మ‌న్ పావెల్

గ‌ల్ఫ్ జెయింట్స్ – అజ్మ‌తుల్లా ఒమ‌ర్‌జాయ్, బ్లెస్సింగ్ ముజ‌ర‌బ‌ని, డేవిల్ మిల్ల‌ర్, హెన్రిచ్ క్లాసెన్

ఎంఐ ఎమిరేట్స్ – నికోల‌స్ పూర‌న్, ర‌షీద్ ఖాన్, రొమారియో షెప‌ర్డ్, షెర్ఫానే రూథ‌ర్‌ఫోర్డ్

షార్జా వారియ‌ర్స్ – ఆడం మిల్నే, జేమ్స్ విన్సే, వ‌కార్ స‌లామ్‌ఖెల్, సికింద‌ర్ ర‌జా.