సిస్టిక్‌కు చెక్‌

కొందరిలో ముఖంపై మొటిమలు మరీ ఎక్కువగా కనిపిస్తాయి. ‘సిస్టిక్‌ ఆక్నే’గా పిలిచే ఈ మొటిమలు.. చర్మం పైపొరల కింద లోతుగా, గడ్డల రూపంలో ఏర్పడుతాయి. సాధారణ మొటిమల కంటే ఎక్కువ కాలం ఉంటాయి. అధికంగా మచ్చల్ని వదులుతాయి.

కొందరిలో ముఖంపై మొటిమలు మరీ ఎక్కువగా కనిపిస్తాయి. ‘సిస్టిక్‌ ఆక్నే’గా పిలిచే ఈ మొటిమలు.. చర్మం పైపొరల కింద లోతుగా, గడ్డల రూపంలో ఏర్పడుతాయి. సాధారణ మొటిమల కంటే ఎక్కువ కాలం ఉంటాయి. అధికంగా మచ్చల్ని వదులుతాయి. వీటి విషయంలో మరింత జాగ్రత్తగా ఉండాలి.

సిస్టిక్‌ ఆక్నే రావడానికి ప్రధాన కారణం.. హార్మోన్ల మార్పులు. ముఖ్యంగా యుక్తవయసులో, పీరియడ్స్‌ సమయంలో వచ్చే మార్పుల వల్ల ముఖంపై పెద్దపెద్ద మొటిమలు వస్తుంటాయి. కొందరిలో వంశపారంపర్యంగా కూడా ఈ సమస్య వస్తుంది. తల్లిదండ్రులకు సిస్టిక్‌ ఆక్నే ఉంటే.. పిల్లలకు వచ్చే అవకాశం ఉంటుంది.

జాగ్రత్తలు తప్పనిసరి

• మొటిమలను గిల్లకూడదు. దానివల్ల ఇన్ఫెక్షన్‌ ఇంకా లోపలికి వెళ్లి.. ముఖంపై శాశ్వతమైన మచ్చలు ఏర్పడుతాయి.
• సిస్టిక్‌ ఆక్నే వల్ల నొప్పి, వాపు ఎక్కువగా ఉంటుంది. దానిని తగ్గించడానికి ‘ఐస్‌తో మసాజ్‌’ చేసుకోవడం ఉత్తమం.
• ఒక చిటికెడు పసుపును, అర టీస్పూన్‌ తేనెతో కలిపి పేస్ట్‌గా చేయాలి. ఆ మిశ్రమాన్ని మొటిమలపై రాసి, 15 నిమిషాల తర్వాత కడిగేయాలి. పసుపులోని సుగుణాలు ఇన్‌ఫ్లమేషన్‌ను తగ్గిస్తే.. తేనెలోని ఔషధ గుణాలు బ్యాక్టీరియాను నిర్మూలిస్తాయి.
• గ్రీన్‌ టీలో ఉండే యాంటి ఆక్సిడెంట్స్‌.. చర్మంపై వాపును తగ్గిస్తాయి. గ్రీన్‌ టీ బ్యాగ్‌ను వేడి నీళ్లలో ముంచి, చల్లబడిన తర్వాత మొటిమలపై కాసేపు ఉంచాలి. గ్రీన్‌ టీ నీటిని క్లెన్సర్‌గా వాడినా.. మంచి ఫలితం కనిపిస్తుంది.