అపోస్తుల కార్యాలు

ప్రభువు వాక్కు లోకానికి అందించడానికై పంపబడిన వారే అపోస్తులు. అపోస్తులు, అపోస్తులురు అనేవి వాడుకలో ఉన్న పదాలు. అపోస్తుల కార్యాలు బైబిల్లో ఓ గ్రంథం. ఇది ఏసుక్రీస్తు పరలోకానికి వెళ్లిన తర్వాత, అపోస్తులుల ద్వారా దేవుని రాజ్యానికి సంబంధించి, ఆయన సువార్తను వ్యాప్తి చేసిన తొలినాళ్లల్లో పాటుబడ్డ సంఘం, దాని సమస్యలు, దాని క్రమేణ పరివ్యాప్తి గురించి తెలుపుతుంది.

ప్రభువు వాక్కు లోకానికి అందించడానికై పంపబడిన వారే అపోస్తులు. అపోస్తులు, అపోస్తులురు అనేవి వాడుకలో ఉన్న పదాలు. అపోస్తుల కార్యాలు బైబిల్లో ఓ గ్రంథం. ఇది ఏసుక్రీస్తు పరలోకానికి వెళ్లిన తర్వాత, అపోస్తులుల ద్వారా దేవుని రాజ్యానికి సంబంధించి, ఆయన సువార్తను వ్యాప్తి చేసిన తొలినాళ్లల్లో పాటుబడ్డ సంఘం, దాని సమస్యలు, దాని క్రమేణ పరివ్యాప్తి గురించి తెలుపుతుంది. ఈ గ్రంథం సువార్తా చతుష్టయంలో ఒకరైన లూకా మహనీయుడు రాశారు.

ప్రభువు విడిచిన కార్యాలకు ఇంపైన కొనసాగింపు ఇందులోని విషయం. అపోస్తుల కార్యాల్లో ఏసుక్రీస్తు నలభై రోజుల పాటు తన శిష్యులతో ఉంటూ.. వాక్య వ్యాప్తిపై చర్చిస్తూ, ఆ తరువాత ఆయన పరలోకానికి వెళ్లడం గురించిన విషయాలు, అపోస్తులుల ద్వారా సంఘం ఏర్పాటు చేయడం, అన్య విశ్వాసులకు కూడా సువార్త ఎలా అందించాలో నేర్పించడం ఇవన్నీ ఈ గ్రంథంలో పొందుపరిచి ఉన్నాయి. ఈ పని కోసం ప్రభువు శిష్యులు, శిష్యేతరులూ ఇంకా ప్రేరేపితులు ఎందరెందరో క్రీస్తు ద్వారా పంపడం ఇవన్నీ ఈ గ్రంథంలో చూడొచ్చు. సువార్త వ్యాప్తి గురించి ప్రస్తావించుకుంటే.. అపోస్తులుల ద్వారా సువార్త ఆనాటి ఎరుషలేం నగరం నుంచి రోమ్‌ నగరి వరకు వ్యాపించింది.

అపోస్తలులో ప్రభువు శిష్యుడు పేతురు, తనకు తాను అపోస్తులునిగా ప్రకటించుకొన్న ప్రభువు శిష్యేతరుడు పౌలు వీరిద్దరూ ఉంటారు. ఈ అపోస్తులుల కార్యాలకు వీరిద్దరు ప్రధాన పాత్రలే కాక, నడిపించిన రెండు నిండు ప్రాణభూతాలు! వీరి కార్యాలు ఓ పట్టు సడలని దీక్షతో ప్రభువు సూచిత గమ్యోన్ముఖంగా కొనసాగాయి. దేవుని ప్రజలు, వీరికి ఎలా సహకరించి, కలిసి పనిచేశారో, తెలియజేసేదే ఈ ‘అపోస్తులుల కార్యాలు’ అనే గ్రంథం. క్రీస్తు కాలానికి మహోధృతంగా సాగిపోయే యూదా మత సిద్ధాంతాలకు దీటుగా పయనించడానికి ఈ అపోస్తులులు పడిన శ్రమలన్నీ ఇందులో నిక్షిప్తమయ్యాయి.

– ప్రొ॥బెర్నార్డ్‌ రాజు, 98667 55024