రెడీ సోల్జర్స్‌

పిల్లల్లో తరచుగా కనిపించే సమస్య.. తెల్ల రక్తకణాలు తగ్గిపోవడం. శరీరరోగ నిరోధక వ్యవస్థలో కీలకంగా ఉండే ఈ కణాలు తగ్గితే.. రోగాల దాడిని అడ్డుకోవడం కష్టం. దీంతో పిల్లల్లో అలసట, శ్వాస తీసుకోవడంలో ఇబ్బందులు లాంటి సమస్యలతోపాటు పలు వ్యాధులు కూడా దాడిచేయవచ్చు.

పిల్లల్లో తరచుగా కనిపించే సమస్య.. తెల్ల రక్తకణాలు తగ్గిపోవడం. శరీరరోగ నిరోధక వ్యవస్థలో కీలకంగా ఉండే ఈ కణాలు తగ్గితే.. రోగాల దాడిని అడ్డుకోవడం కష్టం. దీంతో పిల్లల్లో అలసట, శ్వాస తీసుకోవడంలో ఇబ్బందులు లాంటి సమస్యలతోపాటు పలు వ్యాధులు కూడా దాడిచేయవచ్చు. సోల్జర్స్‌ ఆఫ్‌ ద బాడీగా పేరున్న తెల్లరక్త కణాల బలం పెంచుకుంటే రోగనిరోధక వ్యవస్థ సమర్థంగా పనిచేస్తుంది. కొన్నిరకాల ఆహార పదార్థాలను రెగ్యులర్‌గా తీసుకోవడం ద్వారా తెల్ల రక్తకణాల సంఖ్యను పెంచుకోవచ్చు.

• విటమిన్‌ బి6 ఎక్కువగా ఉండే ఆహారం తీసుకోవడం వల్ల తెల్ల రక్తకణాలు పెరుగుతాయి. పొద్దుతిరుగుడు పువ్వు విత్తనాలు, అరటిపండు, చికెన్‌, పాలకూరల్లో విటమిన్‌ బి6 ఎక్కువగా లభిస్తుంది.
• విటమిన్‌ బి12 కూడా తెల్ల రక్తకణాల వృద్ధిని పెంచుతుంది.పప్పులు, పెరుగు, చికెన్‌, సాల్మన్‌ చేపలను ఆహారంలో భాగం చేసుకోవడం ద్వారా విటమిన్‌ బి12 పొందవచ్చు.
• ఒమేగా-3 ఫ్యాటీ యాసిడ్లు ఎక్కువగా లభించే ఆహారం తినడం వల్ల ఆరోగ్యం మెరుగుపడుతుంది. తెల్ల రక్తకణాల సంఖ్యా పెరుగుతుంది.
• విటమిన్‌ ఎ అధికంగా లభించే బొప్పాయి పండును తినడం ద్వారా కూడా తెల్ల రక్తకణాల సంఖ్యను పెంచుకోవచ్చు. బొప్పాయి ఆకు రసాన్ని తాగినా.. మంచి ఫలితం కనిపిస్తుంది.
• పిల్లలకు స్ట్రాబెర్రీలు, బ్లూబెర్రీలు, బ్లాక్‌బెర్రీలు, రాస్‌బెర్రీలను ఎక్కువగా ఇవ్వండి. వీటిలోని యాంటి ఆక్సిడెంట్లు, విటమిన్‌ సి.. పిల్లల్లో రోగ నిరోధక శక్తిని పెంచడంలో ముందుంటాయి.
• బ్రకోలిలో ఉండే ‘సల్ఫేరఫాన్‌’ అనే సమ్మేళనం.. తెల్ల రక్తకణాల సంఖ్యను పెంచడంలో సాయపడుతుంది. దీనిని రెగ్యులర్‌గా తీసుకోవడం వల్ల వ్యాధి నిరోధక శక్తిని పెంచుకోవచ్చు.
• వెల్లుల్లిలో ఉండే యాంటి ఇన్‌ఫ్లమేటరీ లక్షణాలు, ‘అల్లిసిన్‌’ వంటి సమ్మేళనాలు.. వ్యాధి నిరోధక వ్యవస్థ సామర్థ్యాన్ని పెంచుతాయి. వీటిని తినడం వల్ల తెల్ల రక్తకణాల సంఖ్య కూడా పెరుగుతుంది.
• పిల్లల డైట్‌లో పాలకూరను భాగం చేయండి. ఈ ఆకుకూరలో విటమిన్లు, పోషకాలు ఎక్కువ. ఇందులో అధికంగా లభించే యాంటి ఆక్సిడెంట్లు.. తెల్ల రక్తకణాలను పెంచుతాయి.