Gray hair | చిన్న‌వ‌య‌సులోనే త‌ల నెరిసిన వారికి ఈమె ఓ ఇన్‌స్పిరేష‌న్‌.. ఎందుకంటే?

December 30, 2021 / 02:19 PM IST

Anjana Dubey | కొందరికి చిన్నవయసులోనే తల నెరిసిపోతుంది. అకాల వృద్ధాప్యం ఆవహిస్తుంది. దీంతో బయటికి వెళ్లడానికే భయపడిపోతారు. అంజనా దుబె కూడా అలా అనేక బాధలు పడింది. కొన్నాళ్ల తర్వాత ఆమెలో ఎంతో మార్పు వచ్చింది. మారింది కేశాల రంగు కాదు, ఆమె దృక్పథం!

పట్టుమని పన్నెండేండ్లు కూడా నిండకుండానే అంజనా దుబె జట్టు నెరిసిపోయింది. తెల్లజుట్టుతో బాల్యంలో బడికి, ఆతర్వాత కాలేజీకి, ఆపైన ఆఫీసుకు వెళ్లడానికి చాలా ఇబ్బందిపడేది. ప్రతినెలా రంగు వేసుకోవాల్సిందే. కానీ అవన్నీ తాత్కాలిక ఉపశమనాలే అని అర్థమైంది. కొన్నాళ్ల కిందట ఆ సిగ్గు, బిడియం వదిలేసింది. ఆత్మవిశ్వాసం లేకపోతే జీవితాంతం ఇలాగే బాధపడాల్సి వస్తుందని మనసుకు సర్దిచెప్పుకుంది. అప్పటి నుంచి జుట్టుకు రంగేయడం మానేసింది. తెల్లజుట్టుతోనే బయట తిరగడం ప్రారంభించింది. తనలాంటి బాల నెరుపు బాధితుల కోసం ‘సిల్వర్‌ కమ్యూనిటీ’ని ఏర్పాటు చేసింది. సోషల్‌ మీడియా వేదికగా ‘SparklingSilvers’, ‘గ్రే హెయిర్‌ ( Gray hair )’ పేరుతో విస్తృత ప్రచారం నిర్వహిస్తున్నది. ‘ఆత్మవిశ్వాసంతో బయటికి రండి. నలుగురూ నవ్వినా పట్టించుకోకండి. మీ ఆత్మ విశ్వాసమే మీ ఆయుధం’ అంటూ తోటివారికి ధైర్యాన్ని నూరిపోస్తున్నది.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి