సింక్‌ కంపు వదిలిద్దాం

చిన్నదైనా.. పెద్దదైనా ప్రస్తుతం ప్రతి వంటగదిలోనూ ‘సింక్‌' కంపల్సరీ అయిపోయింది. అయితే, దీనిని సరిగ్గా నిర్వహించకుంటే.. భరించలేని దుర్వాసనను వెదజల్లుతుంది. బొద్దింకలు, వివిధ రకాల కీటకాలు, వైరస్‌లకు ఆవాసంగా మారిపోతుంది. కొన్ని టిప్స్‌ ఫాలో అయితే.. సింక్‌ కొత్తదానిలా తళతళలాడుతుంది.

చిన్నదైనా.. పెద్దదైనా ప్రస్తుతం ప్రతి వంటగదిలోనూ ‘సింక్‌’ కంపల్సరీ అయిపోయింది. అయితే, దీనిని సరిగ్గా నిర్వహించకుంటే.. భరించలేని దుర్వాసనను వెదజల్లుతుంది. బొద్దింకలు, వివిధ రకాల కీటకాలు, వైరస్‌లకు ఆవాసంగా మారిపోతుంది. కొన్ని టిప్స్‌ ఫాలో అయితే..సింక్‌ కొత్తదాని లాతళతళలాడుతుంది.

నిమ్మకాయ: సింక్‌కు పట్టిన జిడ్డును వదిలించడంలో నిమ్మకాయ నమ్మదగినది. ఒక కప్పు నిమ్మ రసానికి ఒక టేబుల్‌ స్పూన్‌ ఉప్పును కలపండి. ఈ మిశ్రమాన్ని సింక్‌ మీద పోసి బాగా రుద్దండి. అరగంట సేపు అలాగే వదిలేసి, ఆ తర్వాత కడిగేస్తే.. సింక్‌ కొత్తదానిలా మెరిసిపోతుంది. దుర్వాసన దూరమై.. సువాసనలు వెదజల్లుతుంది. రసం పిండిన నిమ్మకాయ తొక్కలకు ఉప్పును కలిపి కూడా సింక్‌ను తళతళలాడించొచ్చు.

వెనిగర్‌: సింక్‌ నుంచి వచ్చే దుర్వాసనను పోగొట్టడంలో వెనిగర్‌ బెస్ట్‌ చాయిస్‌. ఒక కప్పు నీటిలో మూడు కప్పుల వెనిగర్‌ వేసి.. ఇక టేబుల్‌ స్పూన్‌ బేకింగ్‌ సోడ, కాస్త నిమ్మరసం కలుపుకోవాలి. ఈ మిశ్రమంతో సింక్‌ను శుభ్రంగా కడిగితే.. దుర్వాసన ఇట్టే మాయమవుతుంది. సింక్‌పై ఉండే మరకలు, మురికి కూడా వదిలిపోతుంది.

పిప్పరమెంట్‌ ఆయిల్‌ : సింక్‌ నుంచి వచ్చే చెడువాసనను వదలగొట్టడంలో పిప్పరమెంట్‌ ఆయిల్‌ కూడా బాగా పనిచేస్తుంది. ఓ స్ప్రే బాటిల్‌ను తీసుకొని.. అందులో కొద్దిగా నీరు, 10 చుక్కల పిప్పరమెంట్‌ ఆయిల్‌ వేసి కలపాలి. ఈ మిశ్రమాన్ని సింక్‌పై స్ప్రే చేస్తే చాలు.. సింక్‌ నుంచి వచ్చే దుర్వాసన ఇట్టే మాయమై పోతుంది.