యువత ప్రతిభకు యువజనోత్సవాలు వేదిక : కలెక్టర్ రాహుల్ శర్మ

యువతలో దాగి ఉన్న సృజనాత్మకత, కళాత్మక ప్రతిభను వెలికితీసేందుకు యువజనోత్సవాలు ఎంతగానో దోహదపడతాయని జిల్లా కలెక్టర్ రాహుల్ శర్మ అన్నారు.

జ‌య‌శంక‌ర్ భూపాలపల్లి : యువతలో దాగి ఉన్న సృజనాత్మకత, కళాత్మక ప్రతిభను వెలికితీసేందుకు యువజనోత్సవాలు ఎంతగానో దోహదపడతాయని జిల్లా కలెక్టర్ రాహుల్ శర్మ అన్నారు. ఈ నెల 17న ఇల్లందు క్లబ్‌హౌస్‌లో నిర్వహించనున్న జిల్లా స్థాయి యువజనోత్సవాలు-2026 వాల్ పోస్టర్‌ను బుధవారం కలెక్టరేట్‌లో ఆవిష్కరించారు.

ఈ సందర్భంగా కలెక్టర్ మాట్లాడుతూ జిల్లాలోని యువతీ యువకులు యువజనోత్సవాల్లో పెద్ద సంఖ్యలో పాల్గొని తమ ప్రతిభను చాటుకోవాలని పిలుపునిచ్చారు. సాంస్కృతిక పోటీలను విజయవంతం చేయాలని కోరారు. కార్యక్రమంలో జిల్లా యువజన, క్రీడల శాఖ అధికారి చిర్ర రఘు, సీనియర్ అసిస్టెంట్ లావణ్య కుమారి, శివసాగర్ తదితరులు పాల్గొన్నారు.