Power cuts | కరెంట్‌ కోతలపై బీఆర్‌ఎస్ ఆధ్వర్యంలో ధర్నా

రైతులకు 24 గంటల కరెంటు ఇవ్వాలని డిమాండ్ చేస్తూ జయశంకర్ భూపాలపల్లి జిల్లా గణపురం మండలంలోని చెల్పూరు గ్రామంలో జాతీయ రహదారిపై మాజీ ఎమ్మెల్యే గండ్ర వెంకట రమణారెడ్డి ఆధ్వర్యంలో బీఆర్ఎస్ పార్టీ శ్రేణులు పెద్ద ఎత్తున ధర్నా నిర్వహించారు.

జయశంకర్ భూపాలపల్లి : రైతులకు 24 గంటల కరెంటు ఇవ్వాలని డిమాండ్ చేస్తూ జయశంకర్ భూపాలపల్లి జిల్లా గణపురం మండలంలోని చెల్పూరు గ్రామంలో జాతీయ రహదారిపై మాజీ ఎమ్మెల్యే గండ్ర వెంకట రమణారెడ్డి ఆధ్వర్యంలో బీఆర్ఎస్ పార్టీ శ్రేణులు పెద్ద ఎత్తున ధర్నా నిర్వహించారు. ఈ సందర్భంగా వెంకటరమణారెడ్డి మాట్లాడుతూ ఎన్నికల సమయంలో 24 గంటల ఉచిత కరెంటు ఇస్తారని రైతులకు హామీ ఇచ్చి నేడు కనీసం 5 నుండి 6 గంటలు కూడ సరిగ్గా ఇవ్వడం లేదన్నారు.

కాంగ్రెస్‌ ప్రభుత్వం ఎన్నికల్లో ఇచ్చిన మాట తప్పి రైతులకు మొండి చెయ్యి చూపిందని విమర్శించారు. కరెంటు లేక రైతులు వేసిన పంటలన్నీ ఎండిపోయి పంట పొలాల భూములు పగుళ్లు తేలుతున్నాయనీ మండిపడ్డారు. ప్రభుత్వం స్పందించకుంటే పెద్ద ఎత్తున ఉద్యమిస్తామని హెచ్చరించారు. ఈ కార్యక్రమంలో బీ పార్టీ నాయకులు, కార్యకర్తలు, తదితరులు పాల్గొన్నారు.