Liquor | మద్యం షాపు పరిసరాల్లో బహిరంగంగా మద్యం సేవిస్తే కఠిన చర్యలు

Liquor | మద్యం దుకాణాల పరిసరాల్లో బహిరంగంగా మద్యం సేవించి ప్రజలను ఇబ్బంది పెడితే కఠిన చర్యలు వరంగల్‌ సీపీ ఏవీ రంగనాధ్‌ హెచ్చరించారు.

వరంగల్‌ : మద్యం దుకాణాల పరిసరాల్లో బహిరంగంగా మద్యం సేవించి ప్రజలను ఇబ్బంది పెడితే కఠిన చర్యలు వరంగల్‌ సీపీ ఏవీ రంగనాధ్‌ హెచ్చరించారు. రాత్రి సమయాల్లో మద్యం దుకాణాల పరిసరాల్లోని ఇతర వ్యాపార సంస్థల ముందు ఇష్టానుసారం మందుబాబులు బహిరంగంగా మద్యం తాగుతూ..పరిసర ప్రజలకు ఇబ్బందులకు గురిచేయడంతో పాటు మద్యం దుకాణాల ముందు వాహనాలను ఇష్టా రాజ్యంగా పార్కింగ్ చేయడం ద్వారా ట్రాఫిక్ సమస్యలు తలెత్తున్నాయని సీపీ దృష్టికి పలు ఫిర్యాదులు వచ్చాయి. దీనిపై వరంగల్ పోలీస్ కమిషనర్ ప్రత్యేక దృష్టి సారించారు.

ఇందుకు సంబంధించి సీపీ ఓ ప్రకటన చేస్తూ ఇకపై మద్యం దుకాణాల పరిసరాల్లో బహిరంగంగా ఎవరైనా మద్యం సేవిస్తూ, మద్యం దుకాణాల ముందు పార్కింగ్ చేసి ఇబ్బందులు కలిగిస్తే  తక్షణమే వరంగల్ పోలీస్ కమిషనర్ వాట్సప్ నంబర్ 8712685100 నంబరుకు  పోస్ట్ చేయాలని ప్రజలకు పిలుపునిచ్చారు. ప్రజలు పోస్ట్ చేసే ఫోటోలు, వీడియోల ఆధారంగా చర్యలు తీసుంటామన్నారు. అలాగే మద్యం దుకాణం యజమానులు కూడా తగు జాగ్రత్తలు తీసుకోవాలన్నారు.