నయా చీర్స్‌ !

ఉమ్మడి వరంగల్‌ జిల్లాలో కొత్త మద్యం దుకాణాలు సోమవారం నుంచి ప్రారంభం కానున్నాయి. ఉమ్మడి వరంగల్‌ జిల్లాలో రెం డేళ్ల (2025-27) కాలానికి 294 షాపులను దక్కించుకున్న లైసెన్స్‌దారులకు కలిసివచ్చిం ది. ప్రస్తుతం పంచాయతీ ఎన్నికలు జరుగుతుండగా, ఆ వెంటనే న్యూఇయర్‌ వేడుకలు, మేడారం జాతర రానున్న నేపథ్యంలో కొత్త షాపుల్లో భారీగా అమ్మకాలు జరగనున్నాయి.

• నేడు కొత్త మద్యం దుకాణాలు ప్రారంభం
• లైసెన్స్‌దారులకు కలిసిన వచ్చిన ఎన్నికలు
• ఆ వెంటనే న్యూ ఇయర్‌, మేడారం జాతర

సుబేదారి, నవంబర్‌ 30 : ఉమ్మడి వరంగల్‌ జిల్లాలో కొత్త మద్యం దుకాణాలు సోమవారం నుంచి ప్రారంభం కానున్నాయి. ఉమ్మడి వరంగల్‌ జిల్లాలో రెం డేళ్ల (2025-27) కాలానికి 294 షాపులను దక్కించుకున్న లైసెన్స్‌దారులకు కలిసివచ్చిం ది. ప్రస్తుతం పంచాయతీ ఎన్నికలు జరుగుతుండగా, ఆ వెంటనే న్యూఇయర్‌ వేడుకలు, మేడారం జాతర రానున్న నేపథ్యంలో కొత్త షాపుల్లో భారీగా అమ్మకాలు జరగనున్నాయి. సర్పంచ్‌ ఎన్నికల గిరాకీని అందిపుచ్చుకోవడానికి లైసెన్స్‌దారులు తహతహలాడుతున్నా రు.

టెండర్‌ నుంచి షాపు ఏర్పాటు వరకు పెట్టిన ఖర్చంతా ఈ ఎన్నికల్లోనే సమకూర్చుకోవాలని ఆరాటపడుతున్నారు. ఈ ఒక్క నెలలోనే సర్పంచ్‌ ఎన్నికలు, ఏడాదిలో చివరి రోజైన డిసెంబర్‌ 31, ఆ పిదప సంక్రాంతి పండుగ, ఫిబ్రవరి నెలలో మేడారం జాతర వరుసగా మూడు నెలలు రూ.కోట్లల్లో మ ద్యం అమ్మకాలు జరగనున్నాయి. ఈ క్రమం లో కొత్తగా మద్యం వ్యాపారంలోకి అడుగుపెట్టిన వారు రెండేళ్ల వ్యవధిలో మద్యం బిజినెస్‌ మూడు పువ్వులు, ఆరు కాయలుగా వర్థిల్లాలని, రూ. కోట్లల్లో సంపాదన రావాలని తమకు కలిసివచ్చే ముహూర్తాలు చూసుకొని సోమవారం షాపులు ప్రారంభించేందుకు ఏర్పాట్లు చేసుకుంటున్నారు. పాత వ్యాపారులు బిజినెస్‌ ఎక్కువగా ఉండే చోట్లలో షాపులను ఏర్పాటు చేసుకున్నారు.