కాంగ్రెస్‌ ముమ్మాటికీ తెలంగాణ ద్రోహి..

కాంగ్రెస్‌ పార్టీ ముమ్మాటికీ తెలంగాణ ద్రోహేనని శాసనమండలిలో ప్రతిపక్ష నేత సిరికొండ మధుసూదనాచారి మండిపడ్డారు. తెలంగాణ రాష్ట్ర సాధన కోసం ఉద్యమనేత కేసీఆర్‌ 2009 నవంబర్‌ 29న చేపట్టిన ఆమరణ దీక్షను పురసరించుకొని శనివారం హనుమకొండలోని కాళోజీ విగ్రహం వద్ద దీక్షా దివస్‌ కార్యక్రమాన్ని బీఆర్‌ఎస్‌ హనుమకొండ జిల్లా అధ్యక్షుడు, మాజీ ఎమ్మెల్యే దాస్యం వినయ్‌భాస్కర్‌ ఆధ్వర్యం లో నిర్వహించారు.

• జై తెలంగాణ అనని పాపాల రేవంత్‌రెడ్డి సీఎం అయ్యాడు
• తెలంగాణ ప్రయోజనాలను కాపాడే ‘రక్షా దివస్‌’గా కాపాడుకోవాలి
• దీక్షా దివస్‌లో మండలిలో ప్రతిపక్షనేత సిరికొండ మధుసూదనాచారి

హనుమకొండ చౌరస్తా, నవంబర్‌ 29 : కాంగ్రెస్‌ పార్టీ ముమ్మాటికీ తెలంగాణ ద్రోహేనని శాసనమండలిలో ప్రతిపక్ష నేత సిరికొండ మధుసూదనాచారి మండిపడ్డారు. తెలంగాణ రాష్ట్ర సాధన కోసం ఉద్యమనేత కేసీఆర్‌ 2009 నవంబర్‌ 29న చేపట్టిన ఆమరణ దీక్షను పురసరించుకొని శనివారం హనుమకొండలోని కాళోజీ విగ్రహం వద్ద దీక్షా దివస్‌ కార్యక్రమాన్ని బీఆర్‌ఎస్‌ హనుమకొండ జిల్లా అధ్యక్షుడు, మాజీ ఎమ్మెల్యే దాస్యం వినయ్‌భాస్కర్‌ ఆధ్వర్యం లో నిర్వహించారు. ముఖ్యఅతిథిగా పాల్గొన్న మధుసూదనాచారి మాట్లాడుతూ.. ఏనాడు జై తెలంగాణ అనని పాపాల రేవంత్‌రెడ్డి ము ఖ్యమంత్రి అయ్యాడని ఎద్దేవా చేశారు. ఆ దుర్మార్గుడిని, తెలంగాణకు విఘాతం కలిగించే కాంగ్రెస్‌ శక్తులను ప్రజలు చీల్చిచెండాడాలని పిలుపునిచ్చారు.

ఆనాడే ఉద్య మ నేత కేసీఆర్‌ ప్రజాకవి కాళోజీ నారాయణరా వు, తెలంగాణ సిద్ధాంతకర్త జయశంకర్‌ గారిలా దూరదృష్టితో పవిత్రమైన ఈ ప్రాంగణంలో జరుగుతున్న దీక్షా దివస్‌ను ఇదే నవంబర్‌ 29, 2009లో తెలంగాణ రాష్ట్ర సాధన కోసం చేపట్టారని ఆయన గుర్తు చేశారు. కేసీఆర్‌ 2001లో తెలంగాణ రాష్ట్ర సమితిని స్థాపించి భారతదేశంలో ఏ రాజకీయ నాయకుడు చేయనివిధంగా ప్రజలను చైతన్యపర్చారని తెలిపారు. తెలంగాణ రాష్ట్రానికి జరుగుతున్న అన్యాయాలను వివరించడంతోపాటు ప్రజలందరినీ ఒక శక్తిగా మార్చి వరంగల్‌ నగరంలో భారీ బహిరంగ సభ నిర్వహించారని గుర్తుచేశారు. ప్రజాస్వామ్య స్వభావానికి భిన్నమైన ఆలోచనలున్న కాంగ్రెస్‌ పార్టీ కుట్రలతో టీఆర్‌ఎస్‌ పార్టీని చీల్చేందుకు కుట్రలు చేస్తున్న సందర్భంలో కేసీఆర్‌ పిలుపునిస్తే తెలంగాణ అగ్నికీలలుగా ఎగిసిపడిందన్నారు.

రాష్ట్రసాధన కోసం ప్రాణ త్యాగమే అస్త్రంగా శాంతియుతంగా తెలంగాణ రాష్ట్రాన్ని సాధించాలని దీక్షా దివస్‌ చేపట్టారని సిరికొండ వివరించారు. దీంతో నాడు కేంద్రం చారిత్రాత్మకమైన ప్రకటన చేసి మళ్లీ వక్రీకరించే దుర్మార్గానికి ఒడిగట్టిందన్నారు. ఒకరిద్దరూ కాంగ్రెస్‌ నాయకులు అడ్డుకుంటే తెలంగాణలో ప్రాణత్యాగాలు కొనసాగాయని, చివరికి కేసీఆర్‌ పోరాట ఫలితంగా విధిలేని పరిస్థితుల్లో రాష్ర్టాన్ని ఇచ్చారని సిరికొండ వివరించారు.

ఈ కార్యక్రమంలో మాజీ ఎమ్మెల్యేలు చల్లా ధర్మారెడ్డి, వొడితల సతీశ్‌బాబు, మాజీ చైర్మన్లు నాగుర్ల వెంకటేశ్వర్లు, లింగంపెల్లి కిషన్‌రెడ్డి, మర్రి యాదవరెడ్డి, ఎల్లావుల లలితాయాదవ్‌, గ్రేటర్‌ వరంగల్‌ డిప్యూటీ మేయర్‌ రిజ్వానామసూద్‌, కార్పొరేటర్లు సోదా కిరణ్‌, బొంగు అశోక్‌యాదవ్‌, సంకు నర్సింగారావు, బోయినపల్లి రంజిత్‌రావు, ఇమ్మడి లోహితారాజు, మాజీ కార్పొరేటర్లు జోరిక రమేశ్‌, కుసుమ లక్ష్మీనారాయణ, ఉడతల సారంగపాణి, నాయకులు జనార్దన్‌గౌడ్‌, రవీందర్‌రావు, నయీమొద్దీన్‌, పులి రజినీకాంత్‌, బండి రజినీకుమార్‌, డాక్టర్‌ హరిరమాదేవి, దూలం వెంకన్న, 4వ డివిజన్‌ అధ్యక్షుడు కంజర్ల మనోజ్‌కుమార్‌, 5వ డివిజన్‌ అధ్యక్షుడు బొల్లపల్లి పున్నంచందర్‌ పాల్గొన్నారు.

రేవంత్‌రెడ్డి రెండేళ్ల పాలనలోనే రాష్ట్రం విధ్వంసం

రెండేళ్ల క్రితం అధికారంలోకి వచ్చిన కాంగ్రెస్‌ ముఖ్యమంత్రి రేవంత్‌రెడ్డి తెలంగాణ సమాజాన్ని అన్ని రకాల ఇబ్బందులకు గురిచేస్తున్నారు. ప్రజలకు ఇచ్చిన హామీలు నెరవేర్చకపోవడంతో కాంగ్రెస్‌ పాలనను ప్రజలు వ్యతిరేకిస్తున్నారు. తెలంగాణ ప్రజల 60 ఏళ్ల కలను సాకారం చేసిన నేత కేసీఆర్‌. 14 ఏండ్ల సుదీర్ఘ పోరాటం చేసి తెలంగాణను కొట్లాడి తెచ్చిన ఉద్యమనేత కేసీఆర్‌. 10ఏళ్ల కేసీఆర్‌, బీఆర్‌ఎస్‌ పాలనలో తెలంగాణ ప్రజలకు సంక్షేమాన్ని, అభివృద్ధిని అందించిన ఘనత కేసీఆర్‌ది. తెలంగాణను దేశంలోనే గొప్ప రాష్ట్రంగా తీర్చిదిద్దారు. నేటి కాంగ్రెస్‌ పాలనలో విధ్వంసం జరుగుతున్నది. ప్రశ్నించే శక్తులను కేసుల పాలు చేసి బెదిరిస్తున్నారు. ప్రజలు కాంగ్రెస్‌కు బుద్ధి చెప్పే రోజులు దగ్గరలోనే ఉన్నాయి.

-బీఆర్‌ఎస్‌ హనుమకొండ జిల్లా అధ్యక్షుడు దాస్యం వినయ్‌భాసర్‌

తెలంగాణ కలను సాకారం చేసిన మహానేత కేసీఆర్‌

కేసీఆర్‌ ఉద్యమ ప్రస్థానంలో 2001 నుంచి నేటి వరకు కొనసాగాను. నాడు 2009 కేసీఆర్‌ ఆమరణ నిరాహార దీక్షకు బయలుదేరిన నాడు వెంట ఉన్నాం. కేసీఆర్‌ ఆమరణ దీక్షతో తెలంగాణ ప్రజలంతా రోడ్లపైకి వచ్చారు. కేసీఆర్‌ అక్రమ అరెస్ట్‌ను నిరసిస్తూ తెలంగాణ సమాజం ఉద్యమాన్ని వారి భుజాల మీద వేసుకుంది. కేసీఆర్‌ను అరెస్ట్‌ చేసి అక్రమంగా కరీంనగర్‌ నుంచి ఖమ్మం జైలుకు తరలించారు. కేసీఆర్‌ ఆమరణ నిరాహార దీక్షపై సైతం కుట్రలు చేశారు. 11 రోజులపాటు ప్రాణాలకు తెగించి, చావు నోట్లో తలపెట్టి కేసీఆర్‌ తెలంగాణ సాధించారు. ఇప్పుడు అధికారంలో ఉన్నవారికి తెలంగాణ ప్రజల ప్రయోజనాలు పట్టడం లేదు. ప్రశ్నించే వారిని బెదిరిస్తున్నారు. ప్రజలకు ఏం చేయలేని పాలనకు నిదర్శనం
నేటి కాంగ్రెస్‌ సరారు.

– మాజీ ఎంపీ కెప్టెన్‌ లక్ష్మీకాంతారావు