పచ్చని కళ.. పార్కు భళా..

శ్రీనగర్‌కాలనీలో ఆహ్లాదకర వాతావరణంలో ఏర్పాటు వాకింగ్‌ ట్రాక్‌, చిన్నారుల కోసం ఆట వస్తువులు, రీడింగ్‌ రూమ్‌ పచ్చని తివాచీ పరచినట్టున్న దారులు.

శ్రీనగర్‌కాలనీలో ఆహ్లాదకర వాతావరణంలో ఏర్పాటు వాకింగ్‌ ట్రాక్‌, చిన్నారుల కోసం ఆట వస్తువులు, రీడింగ్‌ రూమ్‌ పచ్చని తివాచీ పరచినట్టున్న దారులు.. ఎటుచూసినా ఆకట్టుకునే పూలు, అలంకరణ మొక్కలు.. పిల్లలు ఆడుకునేందుకు వీలుగా జారుడుబండ, ఊయల, ఇతర ఆట పరికరాలతో హనుమకొండలోని శ్రీనగర్‌కాలనీ పార్కు విశేషంగా ఆకర్షిస్తోంది.

54వ డివిజన్‌లోని కాలనీవాసుల కోరిక మేరకు రూ.42లక్షల అమృత్‌ నిధులతో ఈ పార్కును సుందరంగా తీర్చిదిద్దగా నగరవాసులకు ఆహ్లాదం, ఆనందం పంచుతోంది. అలాగే పార్కులో అంతటా సోలార్‌ లైట్లు, పిల్లల కోసం రీడింగ్‌ రూమ్‌ ప్రత్యేక ఆకర్షణగా నిలుస్తున్నాయి. ఆదివారం, ఇతర సెలవు రోజుల్లో పిల్లల ఆటపాటలు, కేరింతలతో కళకళలాడుతోంది.

– స్టాఫ్‌ ఫొటోగ్రాఫర్‌, వరంగల్‌, డిసెంబర్‌ 20