Viral Video : పెంపుడు బ‌ల్లిని వాకింగ్‌కు తీసుకెళ్లాడు.. దాన్ని చూసి అంద‌రూ షాక్‌..!

పెంపుడు బ‌ల్లిని వాకింగ్‌కు తీసుకెళ్లాడు | చాలామందికి పెట్స్ అంటే ఇష్టం. పెంపుడు జంతువుల‌ను పెంచుకుంటారు. కొంద‌రు కుక్క‌ల‌ను త‌మ పెంపుడు జంతువులుగా

September 5, 2021 / 03:38 PM IST

Viral Video : పెంపుడు బ‌ల్లిని వాకింగ్‌కు తీసుకెళ్లాడు.. దాన్ని చూసి అంద‌రూ షాక్‌..!

చాలామందికి పెట్స్ అంటే ఇష్టం. పెంపుడు జంతువుల‌ను పెంచుకుంటారు. కొంద‌రు కుక్క‌ల‌ను త‌మ పెంపుడు జంతువులుగా పెంచుకుంటే.. మ‌రికొంద‌రు పిల్లుల‌ను, ఉడ‌త‌ల‌ను, చిలుక‌ల‌ను.. కొన్ని ర‌కాల ప‌క్షుల‌ను కూడా పెంచుకుంటూ ఉంటారు.

కానీ.. ఒక బ‌ల్లిని పెంచుకోవ‌డం ఎక్క‌డైనా చూశారా? బ‌ల్లిని పెంచుకోవ‌డం ఎందుకు.. వ‌ద్ద‌న్నా అవి ఇంట్లోనే తిష్ట వేస్తాయి క‌దా.. అంటారా? అవి వ‌ద్ద‌న్నా ఉంటాయి కానీ.. ఈ బ‌ల్లి మాత్రం త‌న య‌జ‌మానితోనే ఆయ‌న ఎక్క‌డికి వెళ్తే అది కూడా అక్క‌డికే వెళ్తుంది. వామ్మో.. అటువంటి బ‌ల్లులు కూడా ఉంటాయా? అని నోరెళ్ల‌బెట్ట‌కండి.

ఎందుకంటే.. ఇది సాదాసీదా బ‌ల్లి కాదు.. బ‌ల్లి జాతికే చెందిన ప్రాణి అన్న‌మాట‌. జురాసిక్ పార్క్ సినిమా చూసిన వాళ్లు ఇటువంటి ప్రాణిని అందులో చూసి ఉంటారు. డిలోఫోసారస్ అనే ప్రాణి.. జురాసిక్ పార్క్‌లో ఉంటుంది. అచ్చం ఈ బ‌ల్లి కూడా అదే పోలిక‌ల‌తో ఉంటుంది కానీ.. ఇది డిలోఫోసార‌స్ కాదు.

యూఎస్‌లోని ఫ్లొరిడాలో ఉండే ఓ వ్య‌క్తి ద‌గ్గ‌రే ఈ పెంపుడు బ‌ల్లి ఉంది. దాన్ని ప్ర‌తి రోజూ వాకింగ్‌కు అక్క‌డ ఉన్న పార్క్‌కు తీసుకెళ్తాడ‌ట‌. అది పారిపోకుండా ఉండేందుకు దాని మెడ‌కు ఓ తాడు కూడా క‌ట్టాడు. ఆ తాడుతో దాన్ని పార్క్ అంతా తిప్పి ఆ త‌ర్వాత ఇంటికి తీసుకెళ్తాడు.

అయితే.. ఈ బ‌ల్లి నోరు తెరిస్తే భ‌యంక‌రంగా క‌నిపించిన‌ప్ప‌టికీ.. ఆ బ‌ల్లి అంత డేంజ‌ర్ కాదు. దాన్ని ఫ్రిల్డ్ డ్రాగ‌న్ అని కూడా పిలుస్తార‌ట‌. ఆస్ట్రేలియా, న్యూగునియా లాంటి ప్రాంతాల్లో ఎక్కువ‌గా సంచ‌రిస్తుంటాయి.