Viral Video : ఈ ఏనుగును చూసి ఎంతో నేర్చుకోవాలి.. ఎందుకో ఈ వీడియోలో చూడండి

ఈ ఏనుగును చూసి ఎంతో నేర్చుకోవాలి | నీటిని వేస్ట్ చేయ‌కూడ‌దంటారు. కోట్ల రూపాయ‌లు పెట్టినా కూడా ఒక గ్లాస్ నీళ్ల‌ను కూడా సృష్టించ‌లేము. నీటిని ఎంత పొదుపుగా వాడుకుంటే

September 4, 2021 / 03:50 PM IST

Viral Video : ఈ ఏనుగును చూసి ఎంతో నేర్చుకోవాలి.. ఎందుకో ఈ వీడియోలో చూడండి

ఈ లోకంలో మ‌నం సృష్టించ‌లేనివి రెండే రెండు. ఒక‌టి గాలి, రెండోది నీళ్లు. అందుకే గాలిని క‌లుషితం చేయ‌కూడ‌దంటారు. అలాగే.. నీటిని వేస్ట్ చేయ‌కూడ‌దంటారు. కోట్ల రూపాయ‌లు పెట్టినా కూడా ఒక గ్లాస్ నీళ్ల‌ను కూడా సృష్టించ‌లేము. నీటిని ఎంత పొదుపుగా వాడుకుంటే.. భవిష్య‌త్తు త‌రాల‌కు కూడా ఎటువంటి కొర‌త లేకుండా నీరు దొరుకుతుంది. ఈ త‌రంలోనే ఇష్టం ఉన్న‌ట్లు నీళ్ల‌ను వాడితే.. నీటిని వృధా చేస్తే.. భ‌విష్య‌త్తులో నీటికి క‌ట‌క‌టే.

ఇప్ప‌టికే కొన్ని ప్రాంతాల్లో, కొన్ని దేశాల్లో ప్ర‌జ‌ల‌కు కావాల్సిన‌న్ని నీళ్లు లేవు. స్నానం చేయ‌డానికి కూడా బ‌కెట్ నీళ్ల‌ను కొనుక్కునే వాళ్లు ఇప్ప‌టికీ ఉన్నారు. అందుకే.. నీటిని సంర‌క్షించాలి.

అయితే.. ఈ విష‌యం మ‌నుషుల‌కే కాదు.. జంతువుల‌కు కూడా తెలుసు.. అనే విష‌యం ఈ వీడియో ద్వారా స్ప‌ష్ట‌మ‌వుతుంది. ఓ ఏనుగు.. బాగా దాహం వేయ‌డంతో అక్క‌డ ఉన్న ఓ బోరింగ్ ద‌గ్గ‌ర‌కు వ‌చ్చి బోరింగ్ పైప్‌తో కొట్టి నీళ్లు కింద ప‌డ్డాక‌.. వాటిని ఏమాత్రం వేస్ట్ చేయ‌కుండా.. అన్నింటినీ తాగేసింది. దానికి స‌రిపోయే అన్ని నీళ్లు వ‌చ్చాక‌.. బోరింగ్ కొట్ట‌డం ఆపేస్తుంది.

అబ్బ‌.. జంతువుల‌కు కూడా వాట‌ర్ వేస్ట్ చేయొద్ద‌నే విష‌యం తెలుసా? నీళ్లు చాలా విలువైన‌వి అని జంతువుల‌కు కూడా తెలిసిన‌ప్పుడు.. కొంద‌రు మ‌నుషులు మాత్రం ఎందుకు నీళ్ల‌ను వృధా చేస్తారో అర్థం కాదు.. అంటూ నెటిజ‌న్లు కామెంట్లు పెడుతున్నారు. ఈ వీడియోను కేంద్ర జ‌ల్‌శ‌క్తి మంత్రిత్వ శాఖ త‌న ట్విట్ట‌ర్ ఖాతాలో పోస్ట్ చేసింది.

एक हाथी भी #जल की एक-एक #बूंद का महत्व समझता है। फिर हम इंसान क्यों इस अनमोल रत्न को व्यर्थ करते हैं?
आइए, आज इस जानवर से सीख लें और #जल_संरक्षण करें। pic.twitter.com/EhmSLyhtOI
— Ministry of Jal Shakti, DoWR, RD&GR, GoI (@DoWRRDGR_MoJS) September 3, 2021