RRR : చేతులు లేకున్నా ఎన్టీఆర్‌, చ‌ర‌ణ్ స్టెప్స్‌ను దింపేసింది.. ఆర్ఆర్ఆర్ టీమ్ ఫిదా

ఎన్టీఆర్‌, చ‌ర‌ణ్ స్టెప్స్‌ను దింపేసింది | ప్ర‌స్తుతం సోష‌ల్ మీడియాలో దేని మీద చ‌ర్చ జ‌రుగుతుందో తెలుసు క‌దా. ఆర్ఆర్ఆర్ మూవీ నుంచి తాజాగా విడుద‌లైన

November 12, 2021 / 06:27 PM IST

RRR : చేతులు లేకున్నా ఎన్టీఆర్‌, చ‌ర‌ణ్ స్టెప్స్‌ను దింపేసింది.. ఆర్ఆర్ఆర్ టీమ్ ఫిదా

ప్ర‌స్తుతం సోష‌ల్ మీడియాలో దేని మీద చ‌ర్చ జ‌రుగుతుందో తెలుసు క‌దా. ఆర్ఆర్ఆర్ మూవీ నుంచి తాజాగా విడుద‌లైన నా పాట చూడు.. నా పాట చూడు.. నాటు నాటు అనే పాట లిరిక‌ల్ సాంగ్ టాప్ ట్రెండింగ్‌లో ఉంది. యూట్యూబ్‌లో నెంబ‌ర్ వ‌న్ ట్రెండింగ్‌లో ఉండ‌టంతో పాటు ఆ వీడియోకు విడుద‌లైన రెండు రోజుల‌కే కోటి వ్యూస్ వ‌చ్చాయి.

ఆ వీడియోను చూస్తున్నంతసేపు జూనియ‌ర్ ఎన్టీఆర్, రామ్ చ‌ర‌ణ్ వేస్తున్న ఫాస్ట్ ఫార్వార్డ్ డ్యాన్స్‌ను క‌ళ్లు అప్ప‌గించి మ‌రీ చూడ‌టం త‌ప్పితే మ‌నం చేసేదేం ఉండ‌దు. వాళ్లు ఇద్ద‌రూ క‌లిసి అంత అద్భుతంగా డ్యాన్స్ వేశారు.

వాళ్ల డ్యాన్స్‌ను ఓ అమ్మాయి అనుక‌రించింది. ఆ పాట‌లో ఇద్ద‌రూ క‌లిసి చేతులు ప‌ట్టుకొని వేసే డ్యాన్స్‌ను త‌ను కూడా వేసింది. త‌నకు చేతులు లేకున్నా.. ఏమాత్రం అధైర్య‌ప‌డ‌కుండా.. అచ్చం ఎన్టీఆర్‌, చ‌ర‌ణ్ స్టెప్స్‌ను దింపేసింది. త‌న డ్యాన్స్ వీడియో ట్విట్ట‌ర్‌లో షేర్ అవ‌డంతో ఆ వీడియోను చూసిన ఆర్ఆర్ఆర్ టీమ్ ఆ వీడియోను రీట్వీట్ చేసి సినిమాపై నీకు ఉన్న ప్రేమ‌, గౌర‌వానికి మేము ఫిదా అయిపోయాం అని క్యాప్ష‌న్ పెట్టింది. దీంతో ఆ వీడియో ప్ర‌స్తుతం సోష‌ల్ మీడియాలో వైర‌ల్ అవుతోంది. నెటిజ‌న్లు కూడా ఆ బాలిక చేసిన డ్యాన్స్‌ను చూసి ఫిదా అవుతున్నారు. శ‌భాష్ చెల్లెమ్మా.. బాగా చేశావు. నీకు మంచి భ‌విష్య‌త్తు ఉంది. నీకు ఉన్న అంగ‌వైక‌ల్యాన్ని ప‌ట్టించుకోకుండా.. ఎంతో ధైర్యంతో ముందుకు వ‌చ్చి.. సూప‌ర్బ్ డ్యాన్స్ చేశావు అంటూ త‌న‌ను పొగ‌డ్త‌ల్లో ముంచెత్తున్నారు.