జంతువులకు అతి దగ్గరగా వెళ్లొద్దని జూ సందర్శకులను నిర్వాహకులు హెచ్చరిస్తుంటారు. అయినా, చాలామంది వారి మాటలు పెడచెవిన పెడతారు. జూ నియమాలు పక్కకుపెట్టి ఇబ్బందుల్లో పడుతుంటారు. అలాంటి వీడియో ఒకటి ఇప్పుడు నెట్టింట వైరల్గా మారింది. ఓ సందర్శకుడు ఒరెంగుటాన్ ఉన్న బోనుకు అతిదగ్గరగా వెళ్లగా, అతడిని అది గట్టిగా పట్టేసుకున్నది. ఈ వీడియో చూసి నెటిజన్లు నవ్వాపుకోలేకపోతున్నారు.
32 సెకన్ల నిడివిగల వీడియో ఆన్లైన్లో చక్కర్లు కొడుతోంది. ఇందులో ఓ వ్యక్తి ఒరెంగుటాన్ బోనుకు అతిదగ్గరగా వెళ్లాడు. దీంతో అది మొదట ఆ వ్యక్తి చొక్కాపట్టి లాగింది. అనంతరం కాలును పట్టేసుకుంది. ఆ వ్యక్తి ఎంత విడిపించుకోవాలని చూసిన కుదరలేదు. చివరికి ఒరెంగుటూన్ అతడిని వదిలేసింది. ఈ వీడియో చూసినవారంతా పగలబడి నవ్వుతున్నారు.
— san (@sundaykisseu) June 7, 2022