Visit:
హైదరాబాద్‌, జనవరి 16 (నమస్తే తెలంగాణ): ఆంధ్రప్రదేశ్‌ కాంగ్రెస్‌ పార్టీ అధ్యక్షురాలిగా వై ఎస్‌ షర్మిల నియమితులయ్యారు. ఈ మేరకు కాంగ్రెస్‌ అధిష్ఠానం మంగళవారం ఉత్తర్వులు జారీచేసింది. ఏపీపీసీసీ అధ్యక్షురాలిగా వైఎస్‌ షర్మిలను ఏఐసీసీ అధ్యక్షుడు మల్లికార్జున ఖర్గే నియమించినట్టు ఆ పార్టీ ప్రధాన కార్యదర్శి కేసీ వేణుగోపాల్‌ ప్రకటించారు. వైఎస్సార్‌ తెలంగాణ పార్టీని స్థాపించిన షర్మిల.. ఆ పార్టీని ఇటీవలే కాంగ్రెస్‌లో విలీనం చేసిన విషయం తెలిసిందే. ఆ సమయంలోనే ఏపీపీసీసీ అధ్యక్షురాలిగా బాధ్యతలు అప్పగిస్తామని కాంగ్రెస్‌ అధిష్ఠానం ఆమెకు హామీ ఇచ్చింది. తనకు ఏపీపీసీసీ అధ్యక్షురాలిగా అవకాశం ఇ వ్వడంపై వైఎస్‌ షర్మిల హర్షం వ్యక్తం చేశారు. ఈ మేరకు మల్లికార్జున ఖర్గే కు కృతజ్ఞతలు తెలుపుతూ ట్విటర్‌ లో పోస్ట్‌ చేశారు. ‘పీసీసీ అధ్యక్ష బా ధ్యతలు అప్పగించినందుకు ధన్యవాదాలు. రాష్ట్రంలో పార్టీ పునరుద్ధరణ కు శక్తివంచన లేకుండా కృష్టి చేస్తా. అందరితో కలిసి పని చేస్తా’నని పేర్కొన్నారు.
రాష్ట్ర విభజన అనంతరం ఆంధ్రప్రదేశ్‌లో కాంగ్రెస్‌ పార్టీ ఊసు లేకుండా పోయింది. ఈనేపథ్యంలో షర్మిలకు పీసీసీ పగ్గాలు అప్పగించిన కాంగ్రెస్‌ వైఎస్‌ జగన్‌ను నిలువరించి, పార్టీకి పూర్వవైభవం తీసుకురావడంలో ఏ మేరకు సఫలమవుతుందో వేచి చూడాల్సిందే.
