సారవ్వ మరణానికి బాధ్యులెవరు?
సిద్దిపేట జిల్లా హుస్నాబాద్ మండలం నాగారం గ్రామానికి చెందిన స్వయం సహాయక సంఘం నాయకురాలు సారవ్వ గురువారం జరిగిన సీఎం రేవంత్ సభకు హాజరయ్యారు.
- సిద్దిపేటలో సీఎం సభ నుంచి తిరిగొస్తుండగా దారుణం
- బస్సుల మధ్య నలిగి సారవ్వ మృతి
- నాడు సంధ్య థియేటర్ తొక్కిసలాటలో అల్లు అర్జున్ అరెస్ట్
- ఇప్పుడు సీఎం సభలో మహిళ మరణానికి బాధ్యత ఎవరిది?
- నిలదీస్తున్న స్థానికులు, నెటిజన్లు
హైదరాబాద్, నవంబర్ 20(నమస్తే తెలంగాణ): సిద్దిపేట జిల్లా హుస్నాబాద్ మండలం నాగారం గ్రామానికి చెందిన స్వయం సహాయక సంఘం నాయకురాలు సారవ్వ గురువారం జరిగిన సీఎం రేవంత్ సభకు హాజరయ్యారు. తిరుగు ప్రయాణంలో బస్సు ఎక్కుతుండగా, వేరే బస్సు వచ్చి ఢీకొట్టింది. ఆమె తీవ్రంగా గాయపడగా, చికిత్స కోసం దవాఖానకు తరలించారు. సారవ్వ అప్పటికే మరణించినట్టు వైద్యులు నిర్ధారించారు. ఘటన బయటికి పొక్కకుండా అధికార యంత్రాంగం ప్రయత్నించగా, అప్పటికే సోషల్ మీడియాలో వైరల్ అయింది. దీంతో ప్రభుత్వం స్పందించక తప్పలేదు. సర్కార్ తరఫున రూ.5 లక్షల పరిహారం, మహిళా సంఘం బీమా కింద మరో రూ.10 లక్షలు అందిస్తామని మంత్రి పొన్నం ప్రభాకర్ ప్రకటించారు.
ఎవరిపై కేసులు పెడతారు?
సారవ్వ మరణం ఇప్పుడు సామాన్యుల్లో, రాజకీయ వర్గాల్లో కొత్త చర్చకు దారి తీసింది. 2024 డిసెంబర్ 4న పుష్ప-2 సినిమా ప్రీమియర్ షో సందర్భంగా ఆర్టీసీ క్రాస్ రోడ్స్లో జరిగిన తొకిసలాటలో రేవతి అనే మహిళ ప్రాణాలు కోల్పోయింది. అల్లు అర్జున్ రావడం వల్లే తొక్కిసలాట జరిగిందని, ఏర్పాట్లు చేయడంలో థియేటర్ నిర్వాహకులు విఫలం అయ్యారంటూ పోలీసులు కేసు పెట్టారు. అల్లు అర్జున్ను అరెస్ట్ చేయ డం దేశవ్యాప్తంగా సంచలనం సృష్టించింది. ఆయన రాక వల్ల జరిగిన ప్రమాదానికి ఆయనే నైతిక, చట్టపరమైన బాధ్యత వహించాల్సిందేనని స్పష్టంచేసింది. మరి ఇప్పుడు సీఎం సభలో సారవ్వ మరణించిన ఘటనలోనూ చట్టం అదే స్థాయిలో పనిచేస్తుందా? అని స్థానికులు, నెటిజన్లు ప్రశ్నిస్తున్నారు.
సీఎం రావడం వల్లే జనం అధిక సంఖ్యలో గుమిగూడారని, సభ ఏర్పాట్ల నిర్వహణ బాధ్యత కలెక్టర్, పోలీస్ కమిషనర్, ఇతర అధికార యంత్రాంగానిదే అని స్పష్టంచేస్తున్నారు. మరి అల్లు అర్జున్ ఘటనలో మాదిరిగానే అరెస్టులు చేస్తారా? అని ప్రశ్నిస్తున్నారు. సభ ముగిసిన తర్వాత వేలాది మంది ఒకేసారి తిరుగు ప్రయాణమవుతారని తెలిసినా.. తగిన ఏర్పాట్లు చేయడంలో అధికారులు విఫలం అయ్యారని మండిపడుతున్నారు. ఈ దుర్ఘటనకు సీఎం రేవంత్, జిల్లా మంత్రి పొన్నం, కలెక్టర్ హైమావతి, పోలీస్ కమిషనర్ రష్మీ పెరుమాల్ను బాధ్యులను చేస్తూ కేసులు పెడుతారా? అని ప్రశ్నిస్తున్నారు.
Read Today's Latest Telangana News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

