వర్సిటీ రిక్రూట్మెంట్కు ఏప్రిల్లోపే గడువు
విశ్వవిద్యాలయాల్లో సహాయ ఆచార్యుల పోస్టుల భర్తీకి 2027 ఏప్రిల్యే డెడ్లైనా..? అంతలోపే నోటిఫికేషన్లు విడుదల చేయాల్సిందేనా..? ఆ తర్వాత నోటిఫికేషన్లు విడుదల చేస్తే ఉపయోగముండదా..? అంటే అవుననే అంటున్నారు విద్యారంగ నిపుణులు. వర్సిటీ రిక్రూట్మెంట్ ప్రక్రియను ప్రారంభించేందుకు ఇదే గడువుగా పేర్కొంటున్నారు.
- ఆ తర్వాత భర్తీకి నో చాన్స్.. ముగియనున్న వీసీల పదవీకాలం
- మళ్లీ ఖాళీల వివరాల సేకరణ.. జీవో-21లో స్వల్ప మార్పులు
హైదరాబాద్, సెప్టెంబర్ 19 (నమస్తే తెలంగాణ) : విశ్వవిద్యాలయాల్లో సహాయ ఆచార్యుల పోస్టుల భర్తీకి 2027 ఏప్రిల్యే డెడ్లైనా..? అంతలోపే నోటిఫికేషన్లు విడుదల చేయాల్సిందేనా..? ఆ తర్వాత నోటిఫికేషన్లు విడుదల చేస్తే ఉపయోగముండదా..? అంటే అవుననే అంటున్నారు విద్యారంగ నిపుణులు. వర్సిటీ రిక్రూట్మెంట్ ప్రక్రియను ప్రారంభించేందుకు ఇదే గడువుగా పేర్కొంటున్నారు.
ఆ తర్వాత చేపట్టినా అడుగులు ముందుకు పడటం కష్టమంటున్నారు. వీసీల పదవీకాలం చివరి దశలో.. అంటే ఆరు మాసాల ముందు ఎలాంటి నియామకాలు చేపట్టవద్దన్న సంప్రదాయాన్ని అనుసరిస్తున్నారు. గతంలోని వీసీలు ఇదే సంప్రదాయాన్ని కొనసాగించారు. 2024 అక్టోబర్ 18న రాష్ట్రంలోని విశ్వవిద్యాలయాలకు రెగ్యులర్ వీసీలను నియమించారు. ఈ లెక్కన వీసీల పదవీ కాలం 2027 అక్టోబర్తో ముగుస్తుంది. ఆరు నెలల ముందు అంటే.. 2027 ఏప్రిల్లోపు నోటిఫికేషన్లు జారీ చేయాల్సి ఉంటుందని విద్యారంగ నిపుణులు స్పష్టంచేస్తున్నారు.
ఏడాది నుంచి జీవో-21 చుట్టూ చకర్లు
అసిస్టెంట్ ప్రొఫెసర్ల నియామకానికి ప్ర భుత్వం జారీ చేసిన జీవో-21 కూడా నియామక ప్రక్రియకు ప్రధాన అడ్డంకిగా మారిందన్న అభిప్రాయాలు వ్యక్తమవుతున్నాయి. ఈ విధానంలో అకాడమిక్/రీసెర్చ్ పనితీరుకు 50 మారులు, విషయ పరిజ్ఞానం-బోధనా నైపుణ్యానికి 30 మారులు, ఇంటర్వ్యూకు 20 మారులను సర్కార్ నిర్దేశించింది. జీవోలో ఇచ్చిన వెయిటేజీ యూజీసీ నిబంధనలకు అనుగుణంగా లేదంటూ కొందరు నిరుద్యోగ అభ్యర్థులు అభ్యంతరం వ్యక్తంచేశారు. నిబంధనలు మార్చకపోతే న్యాయపోరాటానికి వెళ్తామని హెచ్చరించారు. దీంతో ప్రభుత్వం-అభ్యర్థుల మధ్య అనిశ్చితి నెలకొన్నది. ఫలితంగా జీవో వెలువడి ఏడాది దాటినా నియామక ప్రక్రియలో ఒక్క అడుగు కూడా ముందుకు పడలేదు.
వీసీలతో సమీక్ష.. మార్పులపై కసరత్తు
ఇటీవలే ప్రభుత్వం రాష్ట్రంలోని విశ్వవిద్యాలయాల వీసీలతో సమీక్ష నిర్వహించింది. నియామక ప్రక్రియను ముందుకు తీసుకెళ్లాలంటే జీవో-21లో మార్పులు అవసరమని పలువురు వీసీలు ప్రభుత్వం దృష్టికి తీసుకెళ్లినట్టు సమాచారం. దీంతో జీవో-21లో పూర్తిస్థాయి మార్పులు కాకుండా స్వల్ప సవరణలు చేసే అవకాశాన్ని ప్రభుత్వం పరిశీలిస్తున్నట్టు సమాచారం. యూనివర్సిటీలవారీగా ఖాళీల వివరాలను అధికారులు మళ్లీ సేకరిస్తున్నారు.
సీఎం రేవంత్రెడ్డి ఇటీవలే అసెంబ్లీలో 1,061 పోస్టులు భర్తీచేస్తామని ప్రకటించారు. కాంట్రాక్ట్ అసిస్టెంట్ ప్రొఫెసర్లు కాకుండా.. 460 పోస్టులు భర్తీచేయవచ్చని ఉన్నత విద్యామండలి సర్కార్కు నివేదిక సమర్పించింది. ఇవన్నీ ఉండగానే మళ్లీ ఖాళీల వివరాలు సేకరిస్తున్నారు. బ్యాక్లాగ్ పోస్టులు, ఖాళీల వివరాలు వేర్వేరుగా సేకరిస్తున్నారు. రెగ్యులర్ పోస్టులతోపాటే సమాంతరంగా బ్యాక్లాగ్ పోస్టులు భర్తీచేయనున్నట్టు తెలిసింది.
Read Today's Latest Telangana News in Telugu and Telugu News
RELATED ARTICLES
తాజా వార్తలు
Medchel Flyover | బీజేపోళ్లు ఓట్లడిగితే ఈ ఫ్లైఓవర్లు చూపించాలి.. ఓ వాహనదారుడు.. వీడియో
Nitish Setu | నితీశ్ సేతుపై ఆర్జేడీ కార్యకర్తల వీరంగం.. బ్యానర్లు ధ్వంసం
The Lakshmana | వెండితెరపై లక్ష్మణుడి అజ్ఞాత వీరగాథ.. ఆకట్టుకుంటున్న ‘ది లక్ష్మణ’ ఫస్ట్ లుక్ పోస్టర్!
Mallu Ravi | ఎమ్మెల్యేలు కోమటిరెడ్డి రాజగోపాల్ రెడ్డి, అనిరుధ్ రెడ్డి లక్ష్మణ రేఖ దాటారు : మల్లు రవి
YSRCP | టీడీపీ ఎమ్మెల్యే జయరాం వర్గీయుల దౌర్జన్యం.. వైఎస్సార్సీపీ నేత రామాంజనేయరెడ్డి కిడ్నాప్
ట్రెండింగ్ వార్తలు
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి

