TS LAWCET-2021 : నేడు టీఎస్‌ లాసెట్‌

TS LAWCET-2021 | రాష్ట్ర వ్యాప్తంగా న్యాయశాస్త్ర కోర్సుల్లో ప్రవేశాల కోసం నిర్వహించే లాసెట్‌, పీజీఎల్‌సెట్‌-21 (ప్రవేశ పరీక్షలు) ఇవాళ, రేపు జరగన్నాయి.

హైదరాబాద్‌ : రాష్ట్ర వ్యాప్తంగా న్యాయశాస్త్ర కోర్సుల్లో ప్రవేశాల కోసం నిర్వహించే లాసెట్‌, పీజీఎల్‌సెట్‌-21 (ప్రవేశ పరీక్షలు) ఇవాళ, రేపు జరగన్నాయి. మూడేళ్ల లా కోర్సుల ప్రవేశ పరీక్ష ఇవాళ ఉదయం 10.30 నుంచి మధ్యాహ్నం 12 గంటల వరకు, మధ్యాహ్నం 2.30 నుంచి సాయత్రం 4 గంటల వరకు నిర్వహించనున్నారు. అదేవిధంగా పీజీలాసెట్‌, ఐదేళ్ల కోర్సు ప్రవేశాలకు నిర్వహించే పరీక్షలు ఉదయం 10.30 గంటల నుంచి మధ్యాహ్నం 12 గంటల వరకు జరుగుతాయి. ఈసారి మూడేళ్ల లా కోర్సుకు 28,904 మంది అభ్యర్థులు, ఐదేళ్ల లా కోర్సుకు 7,676 మంది దరఖాస్తు చేసుకున్నారు. ఎల్‌ఎల్‌ఎం కోర్సులో ప్రవేశాలకు నిర్వహించే పీజీఎల్‌సెట్‌కు 3,286 మంది దరఖాస్తు చేసుకున్నారు. ఆన్‌లైన్ విధానంలో నిర్వహించనున్న లాసెట్ పరీక్షల నిర్వహణకు 47 పరీక్షా కేంద్రాలు ఏర్పాటు చేయగా, ఆంధ్రప్రదేశ్‌లో 4 పరీక్షా కేంద్రాలు ఏర్పాటు చేశారు.