TS EdCET | టీఎస్ ఎడ్‌సెట్ 2024 ఫ‌లితాలు విడుద‌ల.. 96.90 శాతం ఉత్తీర్ణ‌త‌

TS EdCET | టీఎస్ ఎడ్‌సెట్ 2024 ప్ర‌వేశ ప‌రీక్ష ఫ‌లితాలు విడుద‌ల‌య్యాయి. ఉన్న‌త విద్యా మండ‌లి చైర్మ‌న్ ఆర్ లింబాద్రి, మ‌హాత్మా గాంధీ యూనివ‌ర్సిటీ ఇంచార్జి వీసీ న‌వీన్ మిట్ట‌ల్ క‌లిసి ఫ‌లితాల‌ను విడుద‌ల చేశారు.

TS EdCET | హైద‌రాబాద్ : టీఎస్ ఎడ్‌సెట్ 2024 ప్ర‌వేశ ప‌రీక్ష ఫ‌లితాలు విడుద‌ల‌య్యాయి. ఉన్న‌త విద్యా మండ‌లి చైర్మ‌న్ ఆర్ లింబాద్రి, మ‌హాత్మా గాంధీ యూనివ‌ర్సిటీ ఇంచార్జి వీసీ న‌వీన్ మిట్ట‌ల్ క‌లిసి ఫ‌లితాల‌ను విడుద‌ల చేశారు. ఎడ్‌సెట్ ప్ర‌వేశ ప‌రీక్ష‌లో 96.90 శాతం మంది ఉత్తీర్ణ‌త సాధించిన‌ట్లు పేర్కొన్నారు.

ఆన్‌లైన్ కంప్యూట‌ర్ బేస్డ్ విధానంలో మే 23వ తేదీన ప్ర‌వేశ ప‌రీక్ష నిర్వ‌హించారు. ఈ ప్ర‌వేశ ప‌రీక్ష‌కు 87 శాతం మంది హాజ‌ర‌య్యారు. టీఎస్ ఎడ్‌సెట్‌కు 33,879 మంది అభ్య‌ర్థులు ద‌ర‌ఖాస్తు చేసుకున్నారు. అయితే వీరికి రెండు సెష‌న్ల‌లో ప‌రీక్ష‌లు నిర్వ‌హించారు. సెష‌న్‌-1లో 16,929 మందికి గానూ 14,633 మంది, సెష‌న్-2లో 16,950 మందికి గానూ 14,830 మంది అభ్య‌ర్థులు హాజ‌ర‌య్యారు. ఫ‌లితాల కోసం ఈ లింక్‌ను https://edcet.tsche.ac.in క్లిక్ చేయండి.