‘ఆర్టీవో’లో అక్రమాల నివారణకు చర్యలు.. ఆఫీస్, డ్రైవింగ్ ట్రాక్ దగ్గర ఏజెంట్లకు నో ఎంట్రీ
రాష్ట్రవ్యాప్తంగా ఆర్టీవో కార్యాలయాలు, డ్రైవింగ్ టెస్ట్ ట్రాక్లలో జరుగుతున్న అక్రమాలపై రవాణాశాఖ విజిలెన్స్ విభాగం తీవ్ర ఆగ్రహం వ్యక్తం చేసింది. ఇటీవల మీడియాలో వచ్చిన కథనాలు, అవినీతి నిరోధక శాఖ జరిపిన ఆకస్మిక తనిఖీల్లో వెలుగుచూసిన తీవ్రమైన అవకతవకల నేపథ్యంలో జాయింట్ ట్రాన్స్పోర్ట్ కమిషనర్(విజిలెన్స్ అండ్ ఎన్ఫోర్స్మెంట్) ఎం చంద్రశేఖర్గౌడ్ సోమవారం పలు ఆదేశాలు ఇచ్చారు.
- రూల్స్ పాటించకుంటే కార్యాలయ సిబ్బందిపై వేటు
- ఆదేశాలు జారీ చేసిన జాయింట్ ట్రాన్స్పోర్ట్ కమిషనర్
హైదరాబాద్, జూన్ 8 (నమస్తే తెలంగాణ) : రాష్ట్రవ్యాప్తంగా ఆర్టీవో కార్యాలయాలు, డ్రైవింగ్ టెస్ట్ ట్రాక్లలో జరుగుతున్న అక్రమాలపై రవాణాశాఖ విజిలెన్స్ విభాగం తీవ్ర ఆగ్రహం వ్యక్తం చేసింది. ఇటీవల మీడియాలో వచ్చిన కథనాలు, అవినీతి నిరోధక శాఖ జరిపిన ఆకస్మిక తనిఖీల్లో వెలుగుచూసిన తీవ్రమైన అవకతవకల నేపథ్యంలో జాయింట్ ట్రాన్స్పోర్ట్ కమిషనర్(విజిలెన్స్ అండ్ ఎన్ఫోర్స్మెంట్) ఎం చంద్రశేఖర్గౌడ్ సోమవారం పలు ఆదేశాలు ఇచ్చారు.
డ్రైవింగ్ పరీక్షలు సరిగ్గా నిర్వహించకుండానే లైసెన్సులు జారీ చేయడం, దరఖాస్తుదారుడు లేకుండానే లైసెన్స్ మంజూరు చేయడం, ప్రైవేట్ ఏజెంట్లతో కుమ్మకవడం వంటి అక్రమాలకు అడ్డుకట్ట వేసేందుకు తక్షణమే అమల్లోకి వచ్చేలా కఠిన ఆదేశాలు జారీ చేశారు. ఆదేశాలను ఉల్లంఘిస్తే సంబంధిత సిబ్బందిపై శాఖాపరమైన కఠినచర్యలు ఉంటాయని హెచ్చరించారు.
జారీ చేసిన నిబంధనలివే..
- నిర్ణీత పరీక్ష తేదీన దరఖాస్తుదారుడు డ్రైవింగ్ ట్రాక్ వద్ద వ్యక్తిగతంగా హాజరుకావాల్సిందే. అభ్యర్థి రాకుండా ఏ పరిస్థితుల్లోనూ లైసెన్స్ జారీ చేయకూడదు.
- అభ్యర్థులు నిర్ణీత టెస్ట్ మార్గాన్ని పూర్తి చేయాలి. కేవలం స్టీరింగ్ పట్టుకొని కూర్చోవడం లేదా కొద్దిదూరం నడు పడం ద్వారా పాస్ చేయడం నిషిద్ధం. పరీక్ష జరిగే సమయమంతా సీసీ టీవీ కెమెరాలు పనిచేయాలి. నిఘా పరికరాలను నిలిపివేస్తే కఠిన చర్యలు తప్పవు.
- ఆర్టీవో కార్యాలయాలు, డ్రైవింగ్ ట్రాక్ల ప్రాంగణంలోకి బ్రోకర్లు, మధ్యవర్తులు, డ్రైవింగ్ సూల్ ప్రతినిధులను ఎట్టి పరిస్థితుల్లోనూ అనుమతించకూడదు. ప్రైవేట్ ఏజెంట్లతో చేతులు కలిపినట్టు తేలితే సదరు ప్రభుత్వ సిబ్బందిని తక్షణమే సస్పెండ్ చేస్తారు.
- పాస్/ఫెయిల్ వివరాలు, లైసెన్స్ జారీ లాగ్లను పకాగా నిర్వహించాలి. ప్రతి నెలా 15వ తేదీ లోపు నెలవారీ కంప్లయెన్స్ నివేదికను రవాణా కమిషనర్ కార్యాలయానికి సమర్పించాలి.
Read Today's Latest Telangana News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి

