నోటరీ భూముల క్రమబద్ధీకరణ

నోటరీ దస్ర్తాలపై కొనుగోలు చేసిన భూముల క్రమబద్ధీకరణకు మార్గదర్శకా లు ఖరారు చేస్తూ రాష్ట్ర ప్రభుత్వం శనివా రం ఉత్తర్వులు జారీచేసింది.

• ప్రభుత్వం మార్గదర్శకాలు జారీ
• మీ సేవ కేంద్రాల్లో దరఖాస్తులు
• భూములపై కలెక్టర్లదే నిర్ణయం

హైదరాబాద్‌, ఆగస్టు 5 (నమస్తే తెలంగాణ): నోటరీ దస్ర్తాలపై కొనుగోలు చేసిన భూముల క్రమబద్ధీకరణకు మార్గదర్శకా లు ఖరారు చేస్తూ రాష్ట్ర ప్రభుత్వం శనివా రం ఉత్తర్వులు జారీచేసింది. నోటరీ దస్తావేజులపై కొన్న భూములపై యాజమాన్య హక్కులను కల్పించాలని, సదరు కొనుగోలు ఒప్పందాలను క్రమబద్ధీకరించాలని ప్రభుత్వం ఇటీవల నిర్ణయించింది. ఈ ప్రక్రియలో భాగంగా జారీచేసిన ఉత్తర్వుల ప్రకారం అక్టోబర్‌ 31 వరకు దరఖాస్తులను స్వీకరించనున్నారు.

దరఖాస్తు ప్రక్రియ..

• నోటరీల ద్వారా స్థలాలను కొనుగోలు చేసిన వారు మీ సేవ కేంద్రాల్లో దరఖాస్తును సమర్పించాలి.
• దరఖాస్తులో నోటరీ దస్ర్తాలు, లింకు డాక్యుమెంట్లు, ఆస్తి, విద్యుత్తు, నీటి పన్ను రసీదు ఇతర ఆధారాలు ఏమై నా ఉంటే సమర్పించాలి.
• ఆయా దరఖాస్తులను కలెక్టర్‌ పరిశీలిస్తారు. ఆ స్థలాలు 22ఏ కింద ఉన్న ప్రభుత్వానికి చెందినవా? ఇతర ఆ స్తులా? అని విభజిస్తారు. ఇందులో పూర్తి నిర్ణయాధికారం కలెక్టర్లదే.
• ప్రభుత్వ స్థలాల నోటరీలైతే జీవో 58, 59 కింద క్రమబద్ధీకరిస్తారు.
• 125 చ.గజాల స్థలాలకు స్టాంపు డ్యూటీ లేకుండా క్రమబద్ధీకరిస్తారు.