పొగ తాగారు.. ఫైన్ కట్టారు!
- రోజుకు 1,200 మందికి జరిమానా
- మూడేండ్లలో 14.40 లక్షల మంది..
- వసూళ్లలో కర్ణాటక, కేరళ టాప్
- దేశంలో 7వ స్థానంలో తెలంగాణ
హైదరాబాద్, సెప్టెంబర్ 1 (నమస్తే తెలంగాణ): బహిరంగ ప్రదేశాల్లో ధూమపాన నిషేధ చట్టం ఉన్నప్పటికీ, పొగరాయుళ్లు దానిని ఖాతరు చేయడం లేదు. దేశం మొత్తం మీద ఈ చట్టాన్ని కఠినంగా అమలుచేయడంలో, బహిరంగ ప్రదేశాల్లో దమ్ము కొట్టేవారిపై జరిమానాలు విధించడంలో కర్ణాటక, కేరళ రాష్ర్టాలు ముందున్నాయి. తెలంగాణ 7వ స్థానంలో నిలిచింది. గత మూడేండ్లలో దేశవ్యాప్తంగా బహిరంగ ప్రదేశాల్లో స్మోకింగ్ చేస్తున్న 14.40 లక్షల మంది నుంచి జరిమానాలు వసూలు చేసినట్టు కేంద్ర ప్రభుత్వ గణాంకాలు వెల్లడిస్తున్నాయి. సగటున రోజుకు 1,200 మంది జరిమానాలు చెల్లిస్తున్నారు.
మొత్తం జరిమానాల్లో సగం కర్ణాటక, కేరళ రాష్ర్టాల్లోనే ఉండటం విశేషం. గత మూడేండ్లలో తెలంగాణలో 48,379 మందికి జరిమానాలు విధించగా, ఆంధ్రప్రదేశ్లో 11 మందికే జరిమానాలు పడ్డాయి. ధూమపానం, ఇతర పొగాకు సంబంధిత ఉత్పత్తుల నుంచి ప్రజలను రక్షించేందుకు కేంద్ర ప్రభుత్వం 2003లో సిగరెట్లు, ఇతర పొగాకు ఉత్పత్తుల నిషేధ (సీవోటీపీఏ) చట్టాన్ని తీసుకొచ్చింది. బహిరంగ ప్రదేశాల్లో ధూమపానం చేసే, పొగాకు ఉత్పత్తుల రవాణా, విక్రయాలు చేసే వారిపై చట్టరీత్యా చర్యలు తీసుకోవడంతోపాటు జరిమానాలు విధించడం ఈ చట్టం ముఖ్య ఉద్దేశం. చాలా రాష్ర్టాలు ఈ చట్టాన్ని కఠినంగా అమలు చేయడం లేదు. జరిమానాలు, శిక్షలు వేయడం కంటితుడుపు చర్యగా మారింది. అందుకే చాలా రాష్ర్టాల్లో కేసుల నమోదు, జరిమానా వసూలు తక్కువగా ఉంటున్నాయి.

Read Today's Latest Telangana News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా
Watch: వేగంగా వస్తున్న కారు నుంచి తప్పించుకునేందుకు మహిళ యత్నం.. ఆ తర్వాత ఏం జరిగిందంటే?
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి
Watch: బైకులతో సింహాన్ని అడ్డుకున్న అటవీ శాఖ సిబ్బంది.. తర్వాత ఏం జరిగిందంటే?
Snowfall | ద్రాస్ సెక్టార్లో మంచు అందాల కనువిందు.. Video

