ఇఫ్లూలో శాంతిని నెలకొల్పండి

హైదరాబాద్‌లో తార్నాకలోని ఇన్‌స్టిట్యూట్‌ ఆఫ్‌ ఇంగ్లిష్‌ ఫారిన్‌ లాంగ్వేజెస్‌ యూనివర్సిటీ (ఇప్లూ) ఆవరణలో పోలీసులను ఉపసంహరించాలని విద్యార్థుల తల్లిదండ్రులు కోరారు.

• హైకోర్టులో విద్యార్థుల తల్లిదండ్రుల పిటిషన్‌

హైదరాబాద్‌, నవంబర్‌16, (నమస్తే తెలంగాణ): హైదరాబాద్‌లో తార్నాకలోని ఇన్‌స్టిట్యూట్‌ ఆఫ్‌ ఇంగ్లిష్‌ ఫారిన్‌ లాంగ్వేజెస్‌ యూనివర్సిటీ (ఇప్లూ) ఆవరణలో పోలీసులను ఉపసంహరించాలని విద్యార్థుల తల్లిదండ్రులు కోరారు. ఈ మేరకు వీసీలను ఆదేశించాలని విన్నవిస్తూ హైకోర్టులో పిటిషన్‌ దాఖలు చేశారు.

ఇటీవల ఓ మహిళా విద్యార్థినిపై రాత్రిపూట జరిగిన దాడికి విద్యార్థులు నిరసన వ్యక్తం చేస్తుంటే వారిని పోలీసులు వేధిస్తున్నారని తెలిపారు. 6 నుంచి విద్యార్థులు నిరాహారదీక్షలు చేస్తున్నా వీసీ పట్టించుకోవడంలేదని తెలిపారు. వర్సిటీలో శాంతియుత వాతావరణం నెలకొనేలా చేయాలని కోరారు.