Visit:
పెబ్బేరు, నవంబర్‌ 29 : వనపర్తి జిల్లా పెబ్బేరులోని రైస్‌మిల్లులో మర ఆడించేందుకు ప్రభుత్వం సరఫరా చేసిన కస్టమ్‌ మిల్లుడ్‌ రైస్‌ (సీఎమ్మార్‌) మాయమైన ఘటన తాజాగా వెలుగులోకి వచ్చింది. శనివారం జిల్లా పౌరసరఫరాల అధికారి కాశీవిశ్వనాథ్‌ ఆధ్వర్యంలో శ్రీరామాంజనేయ రైస్‌ మిల్లును తనిఖీ చేయగా ప్రభుత్వానికి చెందిన 9 వేల బస్తాల సీఎమ్మార్‌ కనిపించకుండా పోయినట్టు నిర్ధారించారు. 2022-23 సంవత్సరానికి సంబంధించి ప్రభు త్వం మిల్లుకు కేటాయించిన ధాన్యం లో భారీ ఎత్తున తరుగుదల కనిపించిందని జిల్లా పౌరసరఫరాల అధికారి కాశీవిశ్వనాథ్‌ తెలిపారు. ఈ ఘటనపై పంచనామా నిర్వహించి జిల్లా అదనపు కలెక్టర్‌కు నివేదిక అందజే యనున్నట్టు ఆయన తెలిపారు.
