రాజన్న కోడెలు పక్కదారిపై విచారణ

వేములవాడ రాజన్న ఆలయ గోశాలలో కోడెలు పకదారి పట్టిన ఘటనపై విచారణ జరిపేందుకు ఆలయ అధికారులు సిద్ధమయ్యారు. ఇద్దరు గోశాల ఉద్యోగులకు చార్జ్‌ మెమోలు జారీ చేయగా, విచారణ చేపట్టాలని ఏఈవోను ఈవో రమాదేవి ఆదేశించారు.

• ఇద్దరు ఉద్యోగులకు మెమోలు

వేములవాడ, నవంబర్‌ 29: వేములవాడ రాజన్న ఆలయ గోశాలలో కోడెలు పకదారి పట్టిన ఘటనపై విచారణ జరిపేందుకు ఆలయ అధికారులు సిద్ధమయ్యారు. ఇద్దరు గోశాల ఉద్యోగులకు చార్జ్‌ మెమోలు జారీ చేయగా, విచారణ చేపట్టాలని ఏఈవోను ఈవో రమాదేవి ఆదేశించారు. వివరాల్లోకి వెళ్తే.. వేములవాడ రాజన్న ఆలయ గోశాల నుంచి గోశాల ఫెడరేషన్‌ సిఫారసుల మేరకు నిర్వహిస్తున్న గోశాలకు కోడెలను అందజేసే విధానం ఉండేది.

2024 జనవరి 2న మహబూబాబాద్‌ జిల్లా తొర్రూరు మండలం దుబ్బతండాలోని సోమేశ్వర గోసంరక్షణ సేవా సంఘానికి 20 కోడెలను రాజన్న గోశాల ఉద్యోగులు అందజేశారు. కోడెలను తీసుకెళ్తున్న వాహనాన్ని వీహెచ్‌పీ, బజరంగ్‌దళ్‌ నాయకులు స్టేషన్‌ఘన్‌పూర్‌లో తనిఖీ చేశారు. ఆలయం నుంచి 20 కోడెలు ఇచ్చినట్టు పత్రాల్లో చూపగా, వాహనంలో 24 ఉన్నట్టు గుర్తించి పోలీసులకు సమాచారం ఇచ్చారు. గోశాలకు 4కోడెలను అదనంగా ఇవ్వడంపై ఆలయ ఉద్యోగితోపాటు మరో ఇద్దరిపై కేసు నమోదైంది.