27వ ఆలిండియా పోలీస్‌ బ్యాండ్‌ పోటీలు

27వ ఆలిండియా పోలీసు బ్యాండ్‌ పోటీలకు తెలంగాణ వేదిక కానున్నది. ఈనెల 16 నుంచి 20 వరకు రంగారెడ్డి జిల్లా హకీంపేట సమీపంలోని సీఆర్‌పీఎఫ్‌ గ్రౌండ్స్‌లో ఈ పోటీలను ఘనంగా నిర్వహించనున్నారు.

హైదరాబాద్‌, అక్టోబర్‌ 31 (నమస్తే తెలంగాణ): 27వ ఆలిండియా పోలీసు బ్యాండ్‌ పోటీలకు తెలంగాణ వేదిక కానున్నది. ఈనెల 16 నుంచి 20 వరకు రంగారెడ్డి జిల్లా హకీంపేట సమీపంలోని సీఆర్‌పీఎఫ్‌ గ్రౌండ్స్‌లో ఈ పోటీలను ఘనంగా నిర్వహించనున్నారు. సెంట్రల్‌ రిజర్వ్‌ పోలీస్‌ ఫోర్స్‌ (సీఆర్‌పీఎఫ్‌) ఆధ్వర్యంలో నిర్వహిస్తున్న ఈ

జాతీయ స్థాయి పోటీల్లో దేశంలోని వివిధ రాష్ట్రాల పోలీస్‌ దళాలతోపాటు సెంట్రల్‌ పోలీస్‌ ఫోర్సెస్‌ నుంచి సుమారు 30 జట్లు పాల్గొనబోతున్నట్టు నిర్వాహకులు శనివారం ఒక ప్రకటనలో తెలిపారు. మొత్తం 5 రోజులపాటు సంగీత విన్యాసాలు అలరిస్తాయని పేర్కొన్నారు. ఈ పోటీల కర్టెన్‌రైజర్‌ కార్యక్రమానికి ప్రముఖ సినీ సంగీత దర్శకుడు ఎంఎం కీరవాణి హాజరుకానున్నారు.