‘ఏడీఆర్‌’ ఎండీ, ముగ్గురు సబ్‌రిజిస్ట్రార్లకు జైలు శిక్ష

కోర్టు ఉత్తర్వులకు విరుద్ధంగా రిజిస్ట్రేషన్‌ పత్రాలను సమర్పించిన ఏడీఆర్‌ ఎస్టేట్స్‌ ప్రైవేట్‌ లిమిటెడ్‌ మేనేజింగ్‌ డైరెక్టర్‌ సీహెచ్‌ దామోదర్‌రావుతోపాటు ఆ పత్రాలను అనుమతించి రిజిస్ట్రేషన్లను కొనసాగించిన కుత్బుల్లాపూర్‌ సబ్‌రిజిస్ట్రార్‌ పీ శ్రీను, జాయింట్‌ సబ్‌రిజిస్ట్రార్లు వీ అశోక్‌, పీ మధుబాబుకు హైకోర్టు 6 నెలల జైలు శిక్ష, రూ. 2 వేల జరిమానా విధించింది.

• కోర్టు ధిక్కరణ కేసులో హైకోర్టు తీర్పు

హైదరాబాద్‌, నవంబర్‌ 9 (నమస్తే తెలంగాణ): కోర్టు ఉత్తర్వులకు విరుద్ధంగా రిజిస్ట్రేషన్‌ పత్రాలను సమర్పించిన ఏడీఆర్‌ ఎస్టేట్స్‌ ప్రైవేట్‌ లిమిటెడ్‌ మేనేజింగ్‌ డైరెక్టర్‌ సీహెచ్‌ దామోదర్‌రావుతోపాటు ఆ పత్రాలను అనుమతించి రిజిస్ట్రేషన్లను కొనసాగించిన కుత్బుల్లాపూర్‌ సబ్‌రిజిస్ట్రార్‌ పీ శ్రీను, జాయింట్‌ సబ్‌రిజిస్ట్రార్లు వీ అశోక్‌, పీ మధుబాబుకు హైకోర్టు 6 నెలల జైలు శిక్ష, రూ. 2 వేల జరిమానా విధించింది.

రంగారెడ్డి జిల్లా బాచుపల్లి సర్వే నంబర్‌ 140లోని భూవివాదానికి సంబంధించి 2023 ఫిబ్రవరిలో వెలువడిన ఉత్తర్వులను ఉల్లంఘించారంటూ ఏపీలోని గుడివాడకు చెందిన చలసాని కల్యాణిలీల కోర్టు ధికరణ పిటిషన్‌ దాఖలు చేయడంతో జస్టిస్‌ కే లక్ష్మణ్‌, జస్టిస్‌ ఎన్‌ తుకారాంజీలతో ధర్మాసనం ఈ తీర్పు వెలువరించింది. అయితే ఈ తీర్పుపై అప్పీల్‌కు అవకాశం కల్పిస్తూ శిక్ష అమలును 4 వారాలపాటు నిలిపివేసింది. కాగా, ఇదే వ్యవహారంలో ప్రతివాదులుగా ఉన్న స్టాంపుల శాఖ ఐజీ, జిల్లా రిజిస్ట్రార్‌పై కోర్టు ధికరణ కేసును కొట్టివేసింది.