నైరుతి బంగాళాఖాతంలో అల్పపీడనం

నైరుతి బంగాళాఖాతం, దానిని ఆనుకుని తమిళనాడు తీరంపై ఉన్న ఉపరితల ఆవర్తనం ప్రభావంతో బుధవారం ఉదయం అల్పపీడనం ఏర్పడింది. దీని ప్రభావంతో 23 నాటికి తూర్పు-మధ్య బంగాళాఖాతంలో మరో అల్పపీడనం ఏర్పడే అవకాశం ఉన్నది. తర్వాత ఇది వాయవ్య దిశగా కదిలి తదుపరి 3 రోజుల్లో మరింత తీవ్రమయ్యే అవకాశం ఉన్నదని హైదరాబాద్‌ వాతావరణ కేంద్రం వెల్లడించింది.

• ఉరుములు, మెరుపులతో కూడిన వర్షాలకు అవకాశం

హైదరాబాద్‌, అక్టోబర్‌ 21 (నమస్తే తెలంగాణ): నైరుతి బంగాళాఖాతం, దానిని ఆనుకుని తమిళనాడు తీరంపై ఉన్న ఉపరితల ఆవర్తనం ప్రభావంతో బుధవారం ఉదయం అల్పపీడనం ఏర్పడింది. దీని ప్రభావంతో 23 నాటికి తూర్పు-మధ్య బంగాళాఖాతంలో మరో అల్పపీడనం ఏర్పడే అవకాశం ఉన్నది. తర్వాత ఇది వాయవ్య దిశగా కదిలి తదుపరి 3 రోజుల్లో మరింత తీవ్రమయ్యే అవకాశం ఉన్నదని హైదరాబాద్‌ వాతావరణ కేంద్రం వెల్లడించింది. వీటి ప్రభావంతో తెలంగాణలో మూడ్రోజులపాటు వర్షాలు కురుస్తాయని అంచనా వేసింది. రాష్ట్రంలో అకడకడా తేలికపాటి నుంచి మోస్తరు వర్షాలు కురిసే అవకాశం ఉన్నట్టు అధికారులు వెల్లడించారు. రాష్ట్రంలోని కొన్ని ప్రాంతాల్లో ఉరుములు, మెరుపులు, గంటకు 30-40 కి.మీ. వేగంతో ఈదురుగాలులతో కూడిన వర్షాలు సంభవించే అవకాశం ఉన్నదని హైదరాబాద్‌ వాతావరణ కేంద్రం అంచనా వేసింది. ఏపీకి తుపాను ముప్పు పొంచి ఉన్నదని అధికారులు పేర్కొన్నారు.